Respito lang
AMBOT LANG - Gerry Auxilio (Banat) - April 30, 2020 - 12:00am

Nagkadaghan ang mga nagpuyo sa Sitio Callejon, Labangon sa dakbayan sa Sugbo ang positibo sa Coronavirus Disease 19 o COVID 19. Kaniadtong Martes dihang gisulat kining maong lindog mitala ug dugang 73 ka mga tawo sa Sugbo ang nagpositibo diin 72 niini ang gikan sa Sityo Callejon ug ang usa gikan sa OPRRA.

Sa Sitio Callejon naggikan ang video nga nag-viral sa social media diin wala pasudla sa mga sakop sa Bantay Sityo ang nurse nga nagpuyo sa nahisgotang lugar.

Gawas nga wala pasudla, gibugalbugalan ug gibiay-biay pa gyod ang nurse nga frontliner sa gobyerno sa pakigbugno ug pakiggubat batok sa coronavirus nga miataki sa nasud.

Dili nato mabasol ang mga sakop sa Bantay Sityo sa Barangay Labangon nga ilang gidid-an sa pagsulod ang nurse nga nagtrabaho sa usa ka tambalanan sa siyudad sa Sugbo tungod kay gusto lamang sila nga makasegurado nga dili masudlan sa virus ang ilang sitio. Dili lang sila buot nga mabasol isip mga bantay kun makasulod sa ilang lugar ang virus. Abi pa lang mga tanga sila nga mga bantay.

Dili nato ikalimod nga ang mga frontliners nga nagtrabaho sa mga tambalanan dako kaayo og posibilidad nga sila ang magdala sa virus. Gani daghan nang mga doktor, nurses ug ubang medical personnel ang napatay sa virus tungod sa matang sa ilang trabaho.

Busa ang angayan unta nga himuon sa gobyerno ang pagpahiluna kanila sa usa ka lugar aron adto sila papuy-on alang sa ilang seguridad ug kaluwasan sa ilang pamilya ug mga silingan. Pero tungod kay dili ni mahatag sa gobyerno gikinahanglan nga mopauli gayod sila sa ilang gipoy-an.

Isip mga frontliners gikonsiderar silang bayani busa mga pagdayeg ang dapat ihatag kanila. Panggaon sila ug dili diskriminiton.

Sa sakripisyo ug pagtaya sa ilang kinabuhi aron mabuhi ang mga na-COVID, dili ra gayud paigo ang respito kun mao ni ang atong ibayad kanila.

RESPITO LANG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with