Naproblema ang employer sa batasan sa emleyado

Dear Atty. Divine,

Duna koy empleyado nga nagtrabaho nako for 4 years na. At first, maayo siya og performance ug kasaligan gyud. So nag expand ang akong company ug napun -an ang akong mga empleyado.  I noticed nga dili siya maayo og treatment sa ubang mga employees ug considering nga senior employee siya daghan sa mga new employee mahadlok niya. I already called her attention and told her to be a good example to the new employees and to treat them well apan way nausab sa iyang attitude ug nahimo nang unproductive ang ubang empleyado tungod niya. Unsay angay nako nga buhaton? Pwede ba nako siya mataktak tungod sa iyang dili maayo nga attitude? Daghang salamat. —Danny

Dear Danny,

Kun aduna nay daghang reklamo batok kaniya gikan sa ubang empleyado, pwede nimo siya padad-an og memorandum asking her or him to explain labot sa reklamo batok  kaniya. Kun di gihapon siya mausab ug mao gihapon ang iyang treatment towards the other employees then pwede kini nimong kabasihan sa pagtaktak kaniya sa serbisyo basi sa Art. 297 par. ( e) sa Labor Code. Ang attitude  problem mamahimong kabasihan sa pagtaktak sa empleyado  kay analogous kini sa loss  of trust and  confidence basi sa mga nahaunang desisyon sa Korte Suprema tungod kay makaapekto kini sa operasyon sa kompaniya nga nagkinahanglan og teamwork ug maayong relasyon sa mga empleyado. Thanks and God bless. —Atty. Divine,

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.