_banat
^

Banat Opinyon

Gasa ni Jose

MGA LAMAS SA KINABUHI - Fr. Rey Cui - Banat

Salamat sa katawhan sa Dios sa Madridejos ug sa akong mga higala sa nagkalainlaing dapit nga nihatag ug nipaambit sa ilang hinabang alang sa mga nanginahanglan. Nahimong malampuson ang pagpalit og mga bugas nga sarang ikapaambit sa katawhan.

Amo kining gianggaan og GASA NI JOSE. Hapit naman gud unta ang kasaulogan sa among piyesta dinhi apan tungod kay COVID mao nga dunay modifications sa pagsaulog niini. Imbis mo-focus sa mga  lingawlingaw ug kumbira, nakahukom kami nga among himoon na lang ang pagtabang sa mga nagkinahanglan. Ug kun ugaling dunay kasaulogan, himoon na lang kining yano ug hilom kay sa akong pagsabot sa pulong kasaulogan kun dunay duha o tulo ka mga tawong magkauyon nan, usa na siya ka dakong kasaulogan!

Ginagmay lang tuod ang among gihimong pagpaambit niini, apan bisan pa man, sayud ko nga dili kabayran og salapi ang kalipay nga atong pagahambinon duyog ning maong yanong akto sa pagtabang ngadto sa uban. Kay si San Jose bitaw wa man gyud igdungog nga nibungat og mga pulong apan diha sa kahilom padayon siyang nitabang ug naningkamot mabuhi lang ang iyang pamilya ug mahatag niya ngadto nila ang ilang mga panginahanglan.

Kining maong sanglitanan maoy nakapadasig kanamong nia sa Madridejos nga mohimo sa ingon bisan pa man kun hagip-ot ang panudlanan.

Sa pagtuo nga God will provide nahimong daring kaming tanan sa pagpasiugda niini. Tuod man wala kami pakyasa sa Dios tungod kay dunay mga tawo nga nitabang kanamo! Busa ang laing kahulogan sa ECQ  nahimugso ug kini nagpasabot og:

ENJOYING WHILE GIVING. Kay lagi Blessed is the Cheerful Giver matud pa!

CHARITY begins at Home mao nga giuna namo og tabang ang mga parokyano nga kabahin sa kinabuhi ug parokya ni San Jose sa Madridejos.

QUIET kun paghilom diha sa pagtabang. Wala na kinahanglana ang mga trumpeta aron mahibaw-an sa uban nga dinhi sa atong kinabuhi, matag adlaw adunay kasinatian sa paghatag ug pagsinati sa kamanggihatagon sa Dios.

Ug kaming nia sa Madridejos kun dunay grasya madawat among kanunay nga isulti SALAMAT SA DIOS!  Nothing more, nothing less!

JOSE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with