Wa motrabaho tungod sa kahadlok sa COVID-19
Dear Atty. Divine,
Duna lang koy pangutana labot sa akong mga absences sa trabaho. Pagsugod man gud sa COVID 19 nananghid ko sa akong employer nga dili una mo-report sa trabaho kay nahadlok ko nga matakdan labi na kay naa koy anak nga sickly. Nabalaka ko nga human sa quarantine di nako dawaton sa akong employer kong mo report ko pagbalik sa trabaho. Pwede ba kabasihan sa pagtaktak nako ang akong mga absences tungod sa COVID-19? Daghang salamat.
Gina
* * *
Dear Gina,
While it is true nga ang kanunay nga pag absent sa trabaho mamahimong kabasihan sa pag-terminate sa employee tungod sa kalapasan sa Article 297 (b) sa Labor Code. Apan sa imo nga kaso dili makonsiderar nga unauthorized ang imong pag absent bisan kun wa ka maka-file og Official Leave of Absence tungod sa nasinati nga pandemic nga mao ang COVID 19. Basi sa Section 3 sa Labor Advisory 1 series of 2020 kun Suspension of Work in Private Sector by Reason of Natural or Man-Made Calamity Advisory of 2020 kini nagkanayon nga “Employees who fail or refuse to work by reason of imminent danger resulting from natural or man-made calamity shall not be exposed to or subject to any administrative sanction.” Busa ang imong pag absent tungod sa COVID -19 dili mamahimong kabasihan sa pagsuspenso or pag-terminate kanimo. Thanks and God bless.
Atty. Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
