COVID ug Semana Santa
AMBOT LANG - Gerry Auxilio (Banat) - April 9, 2020 - 12:00am

Tungod sa COVID-19, gipatuman sa nasudnon ug lokal nga kagamhanan ang Enhanced Community Quarantine nga naghatag og limitasyon sa paggawas sa mga tawo sa ilang mga panimalay.

Gawas niini gidili usab ang mga kalihokan nga magdasig ug magmugna og pagtapok sa mga tawo nga posibling maoy magmugna sa pagtakboy sa Coronavirus Disease 19 nga miataki na sa sobra 200 ka nasud sa kalibotan.

Bisan ang mga kalihokan sa Simbahang Katoliko sa paghandom sa Semana Santa ang apektado tungod sa pagdili sa mga tawo nga magtapok kay basin mao kini ang hinungdan nga mokayanap ang virus.

Kun dili pa tungod sa COVID 19 daghan na unta karon ang mga nagbakasyon ug nagtampisaw sa dagat. Tungod sa COVID 19 nabusaw ang laraw sa uban nga magbakasyon kay maghinulsol sa ilang mga sala atol sa pagpamalandong sa Semana Santa.

Salamat sa bag-ong teknolohiya kay napaabot gihapon sa simbahan ngadto sa iyang mga sumusunod ang mga kalihokan sa Semana Santa nga wala na kinahanglana ang presensiya sa mga tawo sulod sa simbahan.

Salamat pod sa COVID-19 kay nalimitahan niini ang pagkalaagan sa mga tawo ilabi na sa panahon sa Semana Santa nga gihimong panahon sa pagbakasyon inay sa paghinulsol.

Ang arsobispo sa Sugbo Jose Palma miawhag sa mga sumusunod sa Simbahang Katoliko sa pagpahimulos sa Enhanced Community Quarantine sa pagpaduol ngadto sa Ginoo.

Kun ang ubang tawo wala mosunod sa awhag sa mga opisyal sa gobyerno aron malikay sila sa gikahadlokan nga COVID-19 hinaut pa unta nga mosunod na sila sa awhag sa arsobbispo sa Sugbo nga si Jose Palma sa paggpaduol ngadto sa Ginoo samtang nagpundo sila sa tagsatagsa nila ka mga panimalay.

Maminaw na unta ang mga tawo ug dili na magmagahi pa sa ilang mga ulo.

SEMANA SANTA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with