EDITORYAL - ECQ lugwayan? depende sa tawo
Ian B. Melecio (Banat) - April 8, 2020 - 12:00am

Karon nga gilugwayan na ang enhanced community quarantine sa Luzon, siguradong naghunahuna sab ang ubang mga rehiyon kun posible bang lugwayan sab ang quarantine sa ilang mga dapit, ilabi na dinhi sa Sugbo.

Ang tubag niini, mag-agad ra gyud sa kooperasyon sa publiko sa gipatumang ECQ sa ilang tagsatagsa ka mga lugar. Didto sa Luzon, ang Inter-agency Task Force on Emerging Infectious Diseases wala pa makakita og senyales nga nikubos na gyud ang mga kaso sa coronavirus (COVID-19).

Samtang dinhi sa Central Visayas nagkaanam og kagamay ang mga nagpositibo, gani duna gyuy tulo ka mga sagunson nga mga adlaw sa miaging semana nga wala gyuy bisan usa nga nagpositibo apan kagahapon dunay usa nga bag-ong nagpositibo.

Angay hunahunaon sa publiko nga hangtud nga dili sila mokooperar sa gipatumang mga protokol sa ECQ sama sa pagpundo lang sa balay ug dili maglakaw-lakaw sa gawas kun di importante ang tumong gibutang nila kanunay sa peligro ang ilang kinabuhi, ilang pamilya ug komunidad.

Ang matag pamilya gitugotan ang usa kanila nga makagawas kun mopalit og pagkaon o panginahanglan kinahanglan lang magdala sa ilang quarantine pass, magsuot og facemask ug mosunod gyud sa social distancing.

Ang yawe aron maputol kining pagtakod-takod sa virus mao lang gyud ang pagtuman sa tawo sa ECQ. Hangtud nga dili mokubos ang gidaghanon niini magpadayon kining kalisod nga nasinati sa katawhan.

Si DILG Undersecretary Jonathan Malaya sa interbyu kaniya sa mga tigbalita miingon nga mahimong paluagan sa mga LGUs ang ECQ kun may basehan sa siyensya.

Ang buot niyang ipasabot bahin niini, kun wala nay magpositibo, mogamay na ang mga patients under investigation ug persons under monitoring sa usa ka LGU mahimo nilang paluagan ang ilang ECQ.

Apan kun ingon niini nga sa mga sudlonong bahin sa kabarangayan wala mopatuo ang mga tawo kay nagsige ra gihapon og panumbalay, manulod lang kun dunay mga magpatrolya ug mamadlong, mas madugay-dugay pa gyud kining ECQ.

Di na unta paabuton pa sa katawhan nga estriktuhon sila una pa mosunod sa mando.

ECQ
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with