Tungod lang ba sa virus?
MGA LAMAS SA KINABUHI - Fr. Rey Cui (Banat) - April 8, 2020 - 12:00am

Subo uyamot palandungon nga gumikan sa virus nahimong biktima sa harassment ang si bisan kinsa nga anaa sa frontline. Gikapoy na, pasipad-an pa. Gani duna toy  mga sundalo nga nihimo og community work aron pagtabang ning atong dakong krisis karon ang gibanhigan patay sa mga sakop sa mga gikatahapang sakop sa mga rebeldeng komunista.

Ingon na ba gyud diay ka maluibon ang matag usa kanato ning higayon sa dakong kalisdanan? Dili ba diay mahimong paharion ang bisan diyotay nga kaayo nga nia kanato?

 Kinahanglan ba gyud nga magdinautan kita ug pahimuslan nato ang kaabli nga gitanyag kanato sa krisis aron atong usikan ang kinabuhi sa atong isig kaingon ug atong itakli sa yano lamang nga paagi sila nga nahimong exposed na gani sa kakuyaw sa       Covid?

Wa lang tuyoa nga nidagayday ang luha sa akong mga mata. Di man unta ko tighilak nga tawo. Apan wa nako kapugngi ang pagbakho. Ang akong galamhan ningaab sa kawalay mahimo.

Gani dunay mga higayon nga nakapangutana ko sa Dios kun nganong gitugot man niya kining hitaboa? Ingon ana na ba gyud kadautan ang tawo nga angayan siyang mamatay sa ingon niini nga paagi? Bugtong kahilom lang ang mipatigbabaw.

Nahimong uga ang kasinatian sa pag-ampo kini tungod kay bisan ang mga pulong malibkas nawad-an man og kahulogan tungod kay nahimong putos kita sa sakit ug kahaw-ang.

Hangtud asa kutob ang pagkalumos sa mga mapait nga kasinatian nga gidali sa COVID ngari kanato ingon nga katawhan? Kini ang akong pag-ampo alang kanatong tanan nga unta mamahimong mas mabag-o kami ug mohamtong human ning hitaba karon.

Dili unta namo himoon kining maong kahigayonan sa paghimo og dautan ug pagpasipala sa kinabuhi gumikan lamang sa walay hinungdang idolohiya ni pagpalayo sa among kaugalingon sa hingpit kanila nga nahimong makuyaw alang kanamo tungod sa ilang pagtabang sa mga nataptan sa COVID-19.

Ginoo sa imong dakong kaluoy tabangi intawon kami ug ayaw itugot nga mahilayo kami kanimo! Amen! Dili unta kita mahisama sa virus nga usa ka dakong Barbaro!

VIRUS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with