Suspend politics for awhile
IYO ANTOY - Antolin dela Serna (Banat) - April 7, 2020 - 12:00am

Niining programa sa Department of Social Welfare and Development (DSWD) sa pangpanghatag og ayuda sa mga poorest of the poor, kining ilang gitawag nga Social Amelioration Program (SAP), gipaningkamotan didto sa kaulohan, nga ang pagpanglista sa maka-avail niining maong programa, mao lamang ang DSWD, ug ang mga mayor igo lang sa pagtabang ug pag-coordinate sa kalihokan aron kalikayan ang pamolitika.

Ingonman, sa dakbayan sa Mandaue, ang mga kapitan sa barangay nipadayag sa ilang tinguha nga ang pagpanglista sa mga beneficiaries himuon lamang sa DSWD, ug  igo na lang sila unya pagtabang sa distribution. Pahiuyon kini sa kamandoan ni Presidente Digong Duterte pagpahunong na sa gitawag nga patronage politics. Sa usa ka televised interview, ang Presidente nagkanayon: “I’ve removed the responsibility from politicians because there are a lot of complaints. I stripped politicians of the responsibility to distribute money and rice. Some people in charge of distribution do some cuts. Instead of seven, they cut them to five in repacking.”

Sa iyang kabahin, si Cabinet Secretary Karlo Nograles nagkanayon: “He (Duterte) won’t allow it to be marred by politics or political patronage. He wants beneficiaries to receive help, aid from the national government. Since the DSWD, the national government will lead the distribution, we will use existing platforms to reach the beneficiaries.”

Mipadayag si Nograles nga makaasister gihapon ang mga LGUs sa pagpanghatag sa hinabang apan ubos sa pagdumala sa DSWD, sa kasundalohan ug mga police. Ug ang mga LGUs nga ma-deputized alang sa pagpanghatag sa hinabang gikan sa nasudnong pangagamhanan, kinahanglan mo-render og liquidation report immediately kon sa labing dali o sayo nga panahon.

Sa ilang bahin, sila si Senador Franklin Drilon, Francis Pangilinan ug Risa Hontevers namahayag nga ang “2022 political campaign is hampering the immediate distribution of relief to millions of poor families. It saddens us that there are people who could be so heartless and power-hungry as to take advantage of this crisis to advance their political ambition. When charity is politicized, it stinks. In times like this, it kills.” Ila sad ni.

Hinumdoman nga dayon nang pagpanghatag sa bugas dinhi sa dakbayan, si Mayor Edgar Labella mipahimangno nga dili kini kasambogan sa politika kay ang gikinahanglan karon nga magkahiusa kitang tanan.

Apan, adunay pagduda nga sa ubos, ang iyang mga implementor sa mga barangay maoy namolitika.  Hinaut nga dili kini tinuod. Sa atong gibalikbalik dinhi, layo pa ang 2022. In the meantime, isuspenso lang una nato ang politika. Mag-usa lang na kita karon. Unya na ta magpinahitay inig-abot na sa panahon.

Gawas pa, Semana Santa na. Magsuon kitang tanan. Magpinasayloay kita sa atong mga kasal-anan. Mag-usa kit.  Ang politika nga divisive kaayo nga nagbungkag sa isig-usa kanato, lakip na gani sa atong mga banay, ato lang una kining hinginlan.

* * *

Niay nindot kaayong balita. Si Sec. Karlo Nograles nagpahibawo (nahibawo na tingali mo ini), nga mayoriya sa mga Cabinet secretaries mo-donate og 75% sa ilang mga sweldo ngadto sa tinguha sa Bayanihan to Heal as One Act pagsumpo sa coronavirus pandemic.

Hinaut nga matinuod gayud kini, although alang nako, daku ra ning 75%. Any percentage will do.

POLITICS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with