EDITORYAL - Di kalimtan nga tawo ta
(Banat) - March 30, 2020 - 12:00am

Tungatunga niining pagsuway nga nasinati sa katawhan bunga niining hulga sa coronavirus COVID-19, kinahanglang dili kalimtan ang pagtinabangay sa tanan ilabi na niadtong mga gikinahanglang tabangan.

Sa pantalan sa Bato sa lungsod sa Samboan dunay mga posts sa Facebook nga nagpakita sa makaluluoy nga kahimtang sa mga na-stranded nga mga pasahero nga motabok unta padung sa Negros Oriental.

Sila kadtong mga trabahante o temporaryong namuyo sa Cebu City nga nagdali-dali intawon og gawas aron dili maabtan sa pagpanirado sa tibuok probinsya kay dili lalim nga mapundo sa siyudad nga walay trabahoon unya wala nay kwartang magamit.

Asa man intawon sila og ipalit og pagkaon kun mahurot na ang kataposan nilang sweldo nga nakobra sa wala pa sila papaulia sa ilang mga agalon?

Ang maong netizen mi-post sa social media sa mga hulagway sa makaluluoy nga kahimtang sa dili momenus 100 ka tawo. Babaye, lalaki, pamilya apil na mga bata.

Duna pay usa ka batang masakiton nga naghigda lang sa stroller diha sa maong pantalan ug matud pa sab sa post aduna nay mabdos nga nakuhaan tungod sa maong kahimtang.

Panahon sa gabii, anha ra sila mangatulog sa bugnaw nga semento sa passenger terminal sa pantalan dunay uban didto gyud mismo sa pantalan nga way atop naglumbay og pangatulog.

Dili naman ni sila makabalik sa Cebu City bawal naman pasudlan.

Kun mangabang sila’g temporaryong kapuy-an sa Samboan, hagbay ra tingali nila kining gihimo kun duna pa silay kwarta.

Mag-unsa man lang sila diha sa maong pantalan sulod sa usa ka bulan? Di unta tungod sa kahadlok sa COVID-19 malimot ug motalikod kita sa atong mga igsuong nagkinahanglan.

Kay ang tawong mobuhat niini, tabla ra nga gitalikdan niini nga siya tawo  sab.   

TAWO TA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with