Kun ugaling mawala ang bisan unsang espiritohanon
Sa dihang niabot ang dakong trahedya sa Yolanda, nibulig ug nitabang ang mga Buddhist. Ilang gihatagan og funding ang mga simbahan aron matukod og balik ug makasimba ang mga tawo.
Gipangutana sila kun nganong ila kining gibuhat nga unta mga Buddhist man sila ug ang ilang gipatukod mga simbahan nga Katoliko o dili ba kaha sakop sa ubang mga Christian denominations.
Interesante kaayo ang ilang tubag. Matud nila: “Ning panahon sa kalisdanan, gikinahanglan nila ang kahulogang espirituhanon sa ilang kinabuhi.
Ang simbahan ingon nga estraktura naghatag man og kahulogan sa katawhan ning panahon sa kalisdanan busa angayan lamang ihatag nila kining maong kahigayonan nga molaum aron diha sa ilang paglaum sila maningkamot nga magpakabuhi!” tandog kaayo ko sa tubag sa maong Buddhist gikan sa Taiwan.
Ania na pud kita sa laing kalisdanan. Ning panahona anaa tuod ang mga simbahan kay wala maguba ang mga buildings apan dili pud ta kagawas kay gidili.
Kini tungod lagi sa coronavirus. Mao nga live streaming ang Misa aron sa ingon niini mamahimong mas mahatagan og kalig-on ang matag usa ning panahon sa dakong kalisdanan.
Apan dunay mga tawo nga buot mohikaw niini gikan kanato. Gani sa akong naobserbahan daw sa hinayhinay giatake usab ang simbahan dili lang ang nangulo niini kondili ang tanan nga dunay kalambigitan sa relihiyon.
Makita n ato kini sa umaabot pang mga panahon kay kun atakehon ang naghatag og paglaum asa pa man dangop ang kadaghanan ning panahon sa kalisud. Atong ampoon kining mosunod:
Anima Christi
Soul of Christ
Sanctify me
Body of Christ save me
Water from the side of Christ
Wash me, Passion of Christ
Give me strength
Hear me Jesus
Hide me in thy wounds
That I may never leave thy side
From all the evil that surrounds me
Defend me and when the call of death arrives
Bid me come to thee
That I may praise thee
With thy saints forever. Amen.
Sa ngalan ni Jesus! Pahawa na gikan kanamo coronavirus! Walay makapahimulag kanato gikan sa gugma sa Dios bisan gani ang kamatayon!
- Latest
