Gustong ipausab ang apelyido sa iyang passport
Dear Atty. Divine,
Duna koy pangutana labot sa akong passport. Minyo ko ug naggamit ko og apelyido sa akong bana lakip na sa akong passport. Apan dugay na mi nga nagbuwag sa akong bana. Ang akong pangutana kun pwede ba nako ipausab ang akong apelyido sa passport ngadto sa akong apelyido sa pagka dalaga? Daghang salamat.
Gina
* * *
Dear Gina,
Bisan kun nagbuwag na mo sa imong bana sud sa taas na nga panahon apan kun wa pa ma annul sa Korte ang inyong kaminyuon then dili mamahimo nga imong ipausab ang imong apelyido sa imong passport.
Basi sa Section 1, Article 12 sa Implementing Rules and Regulations sa RA 8239, ang passpprt mamahimo lang i amend basi ning mosunod: 1) Amendment of woman’s name due to marriage, 2)Amendment of woman’s name due to death of spouse, annulment of marriage or divorce initiated by a foreign spouse or 3) Change of surname of a child who is legitimated by virtue of a subsequent marriage of his parents.
Busa basi sa maong balaod, dili nimo mahimong ipausab ang imong apelyido sa passport bisan kun dugay na mong nagbuwag gawas lang kon ma annul sa korte ang inyong marriage. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
