Gikulban og kaldero sa COVID-19
LABTIK - Alan Domingo (Banat) - March 13, 2020 - 12:00am

Dunay 64 na ka mga trabahante ang nakulban sa kaldero human nag temporary close ang duha ka kompaniya nga gialagaran.

Kini tungod sa epekto sa Coronavirus Disease COVID-19 diin ang mga negosyo mao ang restaurant ug manpower services.

Bisan og gipaubos sa proseso ang closure tungod lagi sa justifiable reason ug temporary closure lang, apan nabutang sa limbo ang maong mga trabahante sanglit wala may kasegurohan kun mobalik ba og abli ang naasoyng mga kompaniya.

Asa naman lang ni sila manguha og bugas ug ubang panginahanglan alang sa daily survival?

Gawas niining naasoy’ng mga kompaniya, naa usay laing kapin sa tres mil ka mga emplyado nga mahisama ang kapalaran sa nahaunang trabahante tungod sa COVID-19z 36 ka mga kompaniya ang mipatuman og rotation sa ilang trabaho aron lang gyud dili mahubas ang bugasan sa mga trabahante.

Kasagaran niini ang gikan sa hotels ug restaurant lakip na ang anaa sa manpower services.

Halos tanan apektado tungod lagi kay wala na kasugakod ang mga restaurant wala na usay mga kleyente ang mga negosyante og karne ug isda sa Carbon. Gani matod sa usa ka fish vendor nga 60% ang nawagtang nila sukad mibuto ang isyu sa COVID-19.  Ang mga isda nga dili mahalin himoon nalang nilang buwad aron pwede pa mabaligya.

Ang mga meat vendors usab mitiyabaw kay dili na sila kabawi sa ilang puhonan ug labaw na nga dili kabayad sa utang. Kung magpadayon kini mayabo gyud ang ilang bugasan kay wala namay mopalit sa ilang produkto, ang resulta makulban pud sila sa kaldero.

Dili lang panglawas ang apektado kun dili apil na ang tanan tungod lagi sa epekto sa coronavirus.

Grabe ingon niini kabangis si Coronavirus nga kulban pud sa kaldero ang mga tawo daw killing me softly ang iyang estilo.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with