Project SHOPEE

Usa man ni? Proyekto kini sa Department of Manpower Development & Placement (DMDP) sa Dakbayan sa Sugbo.

SHOPEE, nagkahulogan og Seniors’ Healthy Opportunity to Productive Employment & Empowerment. Sa laktud, panghatag og kahigayonan sa mga senior citizens pagpanarbaho, aron mahimo gihapon silang productive inay nga magpunay na lang sila’g pungko sa balay, sige’g tutok sa kisame.

Ang Balaud 9994 kon Expanded Senior Citizens Act of 2010 nagkanayon: “Senior citizens who have the capacity and desire to work, or be re-employed, shall be provided information and matching services to enable them to be productive members of society.

“Terms of employment shall conform with the provisions of the Labor Code, as amended, and other laws, rules, and regulations.”

Ang ilang tumong: “to capacitate and tap the potentials of the elderly and re-integrate them as productive members of society.”

Ug tungod kay may kalabutan man kini sa laraw bahin sa pagpanarbaho mga senior citizens, ang maong proyekto i-coordinate uban sa Office of Senior Citizens Affairs (OSCA) ning dakbayan. Although ang main task would be by the DMDP.

Ang maka-avail niini, of course ang mga senior citizens; kinahanglan lumolupyo ug na-rehistro nga botante sa dakbayan sa Sugbo; sertipikado nga himsog ang panglawas; mosugot nga bansayon (training); adunay katakus pag-communicate; ug makatrabaho bisan sa mahigpit nga situation (under pressure) sulod sa dili molapas upat ka oras matag adlaw, ug police clearance.

Ang medical, physical ug laboratory examinations naglangkob ning mosunod: complete blood count, urinalysis, fecalysis, serology, ECG, hearing test, ug X-ray. Wa ni bayranan, adto lang sa Cebu City Medical Center.

Ang duha ka adlaw nga training naglakip ning mosunod nga mga kurso:

Basic Communication Skills, Industry Knowledge on Tourism, Food Handling & Food Safety, ABCs of Image, Obligation of the Employees, Basics of Customer Service (handling complaints).

Ang mga facilitators o ang ang mo-handle sa training, sila si Trifon A. Sode, MDO Lead Trainer sa Food & Beverages Services; ug Rofell Atuel, MDO head trainer sa Culinary Arts.

Ug alang sa mga pribadong employer, ania kining dugang provision sa Balaud  9994: Private employees that will employ senior citizens shall be entitled to an additional deduction from their gross income, equivalent to fifteen percent (15%) of the total amount paid as  salaries and wages to senior citizens, subject to the provisions of Sec. 34 of the NIRC, as amended.

“The Department of Labor and Employment, in coordination with other government agencies such as, but limited to the Technology & Livelihood Center (TLRC), and the Department of Trade & Industry (DTI) shall asses, design, and implement training programs that will provide skills and welfare or livelihood support for senior citizens.”

So, more or less, mora’g nakauna na niini ang DMDP, ug daku ang kahigayunan nga magmalampuson kining maong proyekto.

Natapus na namo pagduaw ang 80 ka barangay, kauban sa mga tInugyanan sa DSWS,  pakig-meeting sa mga kahugpongan sa senior citizens, ug si Jeffrey Ocampo, executive director sa OSCA,  naglaraw nga balikan ang maong mga pundok sa senior citizens bahin sa tinguha paghiusa ug paghugpong sa tanang senior citizens sa dakbayan, ug bahin usab unya sa Project Shopee.