Road clearing makaguba
JAV, BANATI! - Javier Tapulado (Banat) - March 8, 2020 - 12:00am

Nagkaanam nag kadaghan ang katawhang mogamit sa dalan. Apan ang kadalanan sa mga siyudad sa Sugbo nagpabiling gamay.

May haligi ug atop sa mga balay nga gihimoag ekstensiyon sa tag-iya nga anaa na magtungkawo sa agianan sa mga tawo. Ang mangagi mapugos intawon paglihay paingon sa naghadyong nga mga sakyanang nagdagan kay ang sidewalk nga gigahin para kanila, giangkon na man sa mga masinupakon sa balaod.

Pila na ba ka mga inosente ang nangaligsan o nasayidswepan gumikan ning maong delikadong kahimtang nga ambot sa mga nangaging administrasiyon, wala gyoy lider nakabadlong? Hinunngdan, midaghan.

Ang daotang saha kun dili ibton samtang gamay pa, lisod nang lukahon inig ka dako nang kahoy.

Mao kini ang nasinati sa mga mayor, kinsa gihatagag 75 ka adlawng ultimatum sa DILG gikan sa Pebrero 16 hangtod Abril 30, 2020, paghawan sa kadalanan nga gihimong extension home sa mga malapason, subay sa mando ni Presidente Duterte. Ang dili makatuman silotan.

Usa ka Erwin, higalang diehard ni Talisay City Mayor Samsam V. Gullas Jr., mitug-an, nga dili kuno usa ka simpleng tahas ang giatubang sa mayor.

“ Pinangga ni Samsam tanang Talisaynon ug usab kinahanglan siyang motuman sa mandar sa presidente. Unsay angayng buhaton aron walay relasyong mangaguba sa matag panig, kinsa giisip niyang mga agalon? Haskang, lisora, Boss Jav!” Ni Erwin pa.

Ania akong tubag-panahom: “Sa pagbag-o sa hitsura sa kadalanan, gikan sa kayamukat ngadto sa kahapsay, aduna gyoy kasingkasing mangaguba.

Apan angay hinuktokan sa mga naapektohan, nga walay nawala kanila. Kay ang luna sa gobiyerno nga dugay na nilang gipahimuslan, igo rang gibawi aron ibalik paghatag ngadto sa katawhan. Ug wala sila pabayra sa ilang ilegal nga paggamit sa yuta sulod sa daghang katuigan nga pagpahimulos.

Ang Road Clearing Law gikan sa Presidente. Ang mayor nga dili mosunod, silotan. Segun sa akong nasayran, Napuno sa gugma ang pagpangalagad ni Samsam sa iyang mga ginsakpan. Ug kay gugma man ang gitanom niya sa kasingkasing sa katawhan, unta, gugma sab ang ibalos sa mga Talisaynon nga gimahal sa mayor. Ug gugma ba ang pagbaton og kasuko kon tumanon niya ang sugo ni Tatay Digong?”

Timan-i, Erwin. Bulawan si Samsam nga angay ampinga.

ROAD CLEARING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with