Sunodsunod nga sunog
LABTIK - Alan Domingo (Banat) - March 6, 2020 - 12:00am

Daan ko pa basta fire prevention month sagunson gyud ang sunog sa Metro Cebu ilabi na sa Dakbayan sa Sugbo. Mao kini ang akong lindog usa ka semana ang nalabay diin akong gilabtikan ang atong kaigsoonan basin mapahinumduman sa peligro nga mamugna sa kalayo nga atong best friend apan worst enemy sa susamang higayon.

Gahapong adlawa dili mominus sa 50 ka balay ang naugdaw sa sunog sa sitio Ipil barangay Basak San Nicolas Cebu City.

Dunay niingon nga electrical naa usay nagsulti nga nabiyaang linung-ag gamit ang butane.

Naghisgot naman lang gyud ta og butane, naay LPG refilled butane canister ang niulbo sa dakbayan sa Lapu-Lapu maayo nalang kay walay nakalas apan naay duha nga naangol.

Bisan unsaon ang mga tawo sa pagpahimangno gahi gyud og ulo kay lagi makabarato sa butane nga gitubilan og LPG.

Ayha na dayon magbasol kun madisgrasya na apan makalimot ra usab kadugayan mobalik dayon sa naandan. Magunsa man ang atong mga bombero, ang kagamhanang lokal ug ubang ahensya sa gobierno kon ang mga tawo walay pakialam mismo sa ilang kinabuhi ug mga kabtangan.

Gikinahanglan sad ang seminar sa katawhan nga mismo sila ang manghawan sa agianan aron kon dunay emergency makalusot ra dayon ang mga bombero.

Ang sagad nahitabo karon nga maglisod ang mga fire truck sa pag penitrate sa mga nasunogan kay gigamit naman sa mga molopyo ang mga dalan.

Inig naa nay sunog, mangilog pa ang mga residente sa hose sa mga bombero aron seguradong mauna og kapalong ang kalayo ug dili na katabok sa ilang pinoy-anan. Dili na maghuwat nga ipatuman ang road clearing sa kagamhanan kay ang mga molopyo na mismo ang nasayod kon unsay makadaut  ug makaayo alang sa mga tawo.

SUNOG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with