EDITORYAL - Pagbalewala sa helmet
(Banat) - February 27, 2020 - 12:00am

Kanunay nang adunay mga police checkpoints sa kadalanan dinhi sa dakbayan sa Sugbo kada adlaw. Butang nga nakahatag og kasigurohan sa publiko nga luwas sila sa ilang mga biyahe ug sa paglakaw sa kadalanan.

Apan nabantayan nga daghan sa mga nakamotorsiklo ang nangadakpan ug naisyuhan og citation tickets o ba kaha Temporary Operators Permit (TOP) tungod sa nagkalainlaing traffic violations.

Ang sagad nga hinungdan mao ang pagmaneho nga magsuot lang og tsinelas o walay suot nga helmet. Mga personal nga gamit kini alang sa kaluwasan sa mga magmotor.

Sa probinsya sa Sugbo, morag wala makaila ang mga magmotor didto og helmet o magsuot og sapatos. Gani ang uban maghukas pa og sinina nga mopaturatoy sa ilang motor padung sa merkado.

Duna say mga bata nga way lisensya nga magpaturagas og padagan og motor sa probinsya nga wala mabadlong kaniadto. Dinhi sa Pilipinas, adunay Republic Act no. 10054 o Helmet Law nga nagmando sa tanang magsakay og motorsiklo, driver man ug angkas nga magsuot gyud og standard protective motorcycle helmets.

Kini dili aron nindot silang tan-awon kondili para sa ilang kaluwasan kun simbako matumba sila o madasmagan, kay nigawas sa mga pagtuon, sagad sa mamatyan sa mga motorcycle riders mao ang head injuires.

Ang motorsiklo duha ray ligid, gaan ug paspas modagan tungod sa kakusog sa makina niini. Kun kini mabangga sigurado gyung adunay kadaut nga resulta sa panglawas sa nagsakay niini.

Mas pa kun kini makabangga og laing sakyanan tungod kay madoble man ang pwersa sa duha nga mag-abot, ug tungod niini dako kaayo ang tsansang grabe gyud ang mahiagumang kadaot sa magsakay.

Kun dili magsuot og sapatos ug helmet ang riders, pagkabakol tibuok kinabuhi o kamatayon ang resulta.

Dili unta kalimtan sa mga riders nga bisan unsaon pa nila pag-amping dili nila kontrolado ang ubang mga drayber diha sa karsada. Busa mas maayong managana.

HELMET
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with