Kinsa ang mayor sa Sugbo
AMBOT LANG - Gerry Auxilio (Banat) - February 27, 2020 - 12:00am

Miduso og reklamo sa buhatan sa Ombudsman ang mga Barangay Health Workers (BHW) sa 21 ka barangay sa dakbayan sa Sugbo tungod sa kalangay sa paghatag sa ilang honorarium.

Ang gipasakaan og kaso mao sila si Cebu City Health Officer Dr. Daisy Villa ug ang executive head sa mga Barangay Health Workers nga si Althea Lim.

Ang mga BHW gitugotan ni Mayor Edgardo Labella nga makatrabaho apan hangtod karon wala sila makadawat sa ilang honorarium.

Sa dihang nahinabi sa DySS Super Radyo Cebu sila si Dr. Villa, Lim ug Atty. Floro Casas Jr., ilang giingon nga ang rason nganong wala makadawat sa ilang honorarium ang mga BHW nga nangreklamo mao nga wala nila makompleto ang ilang mga dokumento. Apan ang mga BHW miinsister nga nakakompleto na sila sa ilang mga dokumento.

Kasagaran niining maong mga BHW nga wala makadawat sa ilang honorarium ug gipaantos aron magkutoy ang ilang tiyan mga dumadapig sa pikas partido.

Kadaghan na gibalikbalik ni Mayor Labella ang iyang pamahayag sa publiko nga walay pagdapig ang iyang pamunoan. Busa bisan kadtong kaatbang sa politika iyang hatagan ug makadawat unsa man ang madawat sa iyang mga kauban ug lumalaban. Apan dili kini ang nakita ug naobserbahan sa mga himantayon diha sa City Hall.

Daghan na ko og nadawat nga reklamo ug obserbasyon nga gihimo lang kingkoy sa iyang mga tawo ang mayor. Pipila ka opisyal sa barangay ang mitug-an kanako nga bisan kadtong mga dokumento ug hangyo nga pirmado na sa mayor dili tuohan sa iyang mga tawo.

Kinsa ba diay ang mayor sa dakbayan sa Sugbo? Mao ni ang akong pangutana sa akong kaugalingon.

Tambag nako ngadto sa mayor nga angay lamang tangtangon ang mga tawo nga dili motahod sa iyang mando. Mintras tantong sayo pa kinahanglan putlan sa liog ang mga nagsabotahi sa iyang administrasyon.

SUGBO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with