Daghang batan-on wa mahibawo
RENBOR PATROL - Rene U. Borromeo (Banat) - February 25, 2020 - 12:00am

Karong adlawa, gisaulog sa nasud ang laing sumad sa gitawag og Bloodless People’s Revolution didto sa EDSA kaniadtong 1986. Gibuntog sa katawhan ang gamhanang pwersa sa militar nga milaban kaniadto ni kanhi Presidente Ferdinand Marcos.

Napalagpot sa katawhan si Marcos gikan sa Malacañang nga walay bisan gamay’ng dugo nga mibanaw tungod kay ang kaparian ug mga madre miapil man sa bagang duot sa katawhan nga nag-rally.

Bisan og gitionan na sila sa mga kanyon, machine gun ug ubang matang sa armas, apan igo lang mipahiyom ang mga madre ug gitunolan nila og mga presko nga buwak ang mga sundalo.

Kadto maoy usa sa nakapalukmay sa kasundalohan og anam-anam silang miabin sa mga tawo nga nag-rally aron palagputon ang diktador nga si Marcos. Kuyaw kaayo ang gihimo sa maong mga nag-rally kay mahimo man sila nga pamatyon sa mga military niadtong higayona.

Kini maoy rason nga karong adlawa, ang tibuok nasud moyukbo sa ilang pagka bayani. Apan subo lang palandungon kay daghan sa kabatan-onan karong panahona, wala gyud masayod sa maong mga panghitabo.    

Ang kasaysayan sa nahitabo sa EDSA tangkod nga 34 ka tuig na ang nakalabay, mahimong mabasa diha sa mga libro, sa internet, apan ang mga batan-on karon wala na magtagad niini.

Kini tungod kay linga kaayo sila sa ubang makita nila sa internet ug wala sila’y panahon aron nga basahon nila ang kasaysayan nga nahimong kabahin na sa atong nasud.

* * *

Ang Dakbayan sa Sugbo nagsaulog usab kagahapon sa laing sumad sa pagkamugna niini nga siyudad kaniadtong 1937. Sa makausa pa, gihatagan nila og pagyukbo si kanhi senador Vicente Rama nga maoy nagsugyot sa balaod nga nagpahimong dakbayan sa Sugbo.

Atol sa termino ni kanhi mayor Tomas Osmeña, wala hatagi og pagtagad si Don Vicente Rama ug ang gihatagan nila og pagyukbo mao ang konsehal sa lungsod pa ang Sugbo nga maoy nagsugyot og resolusyon nga nag-awhag sa Senado nga mohimo’g lakang aron mahimong siyudad ang Sugbo.

Para nako, silang duha si Senador Vicente Rama ug Konsehal Gervacio Lavilles angay’ng pasidunggan. Sayop ang gihimo ni Osmeña nga gibaliwala na lang sab niya si Rama abi kay apohan man kini sa higpit niyang kontra sa polilitika.

Kabahin ni Mayor Edgardo Labella nga maoy amahan sa siyudad, dili sab maayo nga ibaliwala niya ang bisan paghatag na lang og gamay’ng pagtagad sa nahimo ni Lavilles. Silang duha angay nga atong handumon matag higayon nga magsaulog ta sa Charter Day sa dakbayan.

BATAN-ON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with