Si Laog ug si Haog
Sugilanon kini sa duha ka mga higala sila si Laog ug si Hakog. Si Laog mahiligon sa bisan unsang pagkaon samtang si Hakog mahiligon og bisan unsa nga iyang higustohan.
Buot niyang angkunon ang tanan. Kini tungod kay alang niya duna siyay katungod nga manag-iya sa bisan unsa nga giisip niyang iyaha.
Mao nga wa madugay nidaghan ug nidaghan ang iyang kabtangan ug bisan unsa nga giisip niyang iyaha. Sa laing bahin usab si Laog way laing nahimo gawas sa pagtilaw sa nagkadaiyang mga pagkaon nga giisip niyang lamian bahala na og puno na ang iyang tiyan. Ang iyang buhaton mao nga iya na lang isuka ang tanan aron sa ingon makakaon na pud siya og usab sa mao ra gihapong pagkaon nga giisip niyang iyaha.
Usa ka adlaw niana, nahiabot ang usa nila ka higala nga ginganlan og Tental. May gidala kini kahon nga puno kaayo sa mga alahas, ingon man bulawan.
Giingnan niya ang managhigala nga iyang ihatag ang maong kahon nga puno sa mga mahalong bato ug bulawan ug gani iya kining doblehon pa gayud.
Kun mangayo ang usa og usa ka kahon himoon niyang doble ang kahon nga mahatag sa mauwahi og pangayo. Hinuon mahimong makapangayo sila og bisan unsa usab. Apan ang motingog ang duha ka managhigala. Kini ang ilang kukabildo:
Laog: Ikaw ang una og pangayo hakog!
Hakog: dili ko oi ikaw lang!
Laog: sige na gud
Hakog: dili lagi ko!
Laog: sige na bah
Hakog: di lagi! Kun gusto mo ikaw una …. kaalakanse nako!
Si Tental igo lang sa pagpahiyom. Nanghupaw kini dungan ang pag-ingon: “Kun walay mouna og pangayo aw molakaw na lang ko! Si Laog mitubag: “Mangayo ko!” ug mitubag si Tental: “Sige apan hinumdomi nga ang imong pangayoon doblehon pabor kang Hakog!”
Si Laog mitubag: “Bahala na!” yuna, matud pa ni Tental, “Unsa man diay ang imong pangayoon?” si Laog mitubag: “Buot ko nga mabuta ang usa ko mata!” ug nihilak si Hakog!”
Ang mensahe mao:” Dili maayo nga magpalabi kita sa atong pagkasegurista kay basin og kini maoy magdala kanato sa kaalautan. Ang tawong dili maantigong mohatag daw mahisama sa patay nga dagat nga magpabiling dili kabuhian og bisan unsang mananap o tawo nga buot untang mopahimulos sa iyang bahandi.
- Latest
