EDITORYAL - US way natabang?
EDITORYAL - US way natabang?
(Banat) - February 12, 2020 - 12:00am

May punto ang pamahayag sa pipila ka opisyal sa administrasyong Duterte nga kapin lima ka dekada ng dunay Mutual Defense Treaty ang US ug Pilipinas apan wala gyud sila makatabang pagpuo sa insurhensiya sa mga komunista ug karon ang pagpangilog sa China og teritoryo diha sa South China Sea o West Philippine Sea.

Si Speaker Alan Peter Cayetano sa report sa Philstar.com namahayag nga gipasagdan lang sa US ang Pilipinas nga giabusaran sa silingang nasud nga posibleng ang iyang gipasabot mao ang China.

Usa kini sa mga pasumangil nganong gisuportahan niya ang tinguha ni Duterte pagbasura nalang sa Visiting Forces Agreement human nga gikanselar sa US ang visa ni Senador Ronald dela Rosa nga usa sa giingong may kalambigitan sa pagpabilanggo kang Senador Leila de Lima.

Giisip kini sa administrasyon nga pagpanghilabot sa kagawasan sa sistema sa hustisya ug sa soberiniya sa Pilipinas.

Apan mas daghan ang nabalaka nga mas dako ang mawala sa Pilipinas nungka sa makuha gikan niining pagbasura. Ang US usa sa mga maguna kanunay pagresponde kun dunay katalagmang mogi sa Pilipinas sama sa Yolanda, Saint Bernard landslide ug apil na pagpalig-on sa kapabilidad sa AFP.

Tinuod nga way natabang ang US pagsanta sa mga NPA, kini tungod kay trabaho kini sa lokal nga kapolisan ug militar.

Sa parte sa isyu sa West Philippine Sea, ang US makadaghan ng naghimo og US Freedom of Navigation Patrols sa WPS duol sa mga giokupar sa China.

Apan gisaway sila kay kuwang ra kuno. Unsa man diay angay, ibandilyo gyud sa US nga kining ilang gihimo pagdapig ni sa Pilipinas batok sa China?

Wa diay sila maghunahuna nga kun modapig ang US sa Pilipinas sa isyu masilo sab ang ubang mga claimant countries sama sa Vietnam, Malaysia, Taiwan, Brunei?

Isip major player sa Asia Pacific, importante para sa US nga maayo ang relasyon niini aning mga nasura kauban sa Pilipinas batok sa impluwensya sa China. Ang US nagtan-aw sa mas dakong mapa ug dili lang sa Pilipinas.

NATABANG
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with