Universal Health Care Act
IYO ANTOY - Antolin dela Serna (Banat) - February 11, 2020 - 12:00am

Unsa man ni? Hinumdoman nga nahimo kining balaud niadtong Pebrero 20, 2019 pagpirma niini ni Presidente Digong Duterte. Giisip nga usa ka landmark law, giingon nga ang UHC “expands access to health services by automatically enrolling all Filipinos in PhilHealth’s National Health Insurance Program (NHIP). It seeks to ensure that all Filipino citizens have access to a comprehensive set of health services without financial hardship.”

Usa kini ka dakong alibyo kanatong mga Pilipinhon kon ang panglawas ang hisgutan. Gawas sa mga adunahan nga nag-awas-awas ang kwarta, alang kanatong mga kabus, prohibitive na kaayo ang pagpatambal ilabina ang pagpa-hospital. Matud sa 2017 National Demographic and Health Survey, ang average gasto kon magpa-hospital ang usa ka pasyente mokabat og P21,400. Kini sa mga ordinaryong sakit, ug ang “State-run Philippine Health Insurance Corporation or PhilHealth shoulders only less than half of this.” Walay labut sa ubang galastoan sama sa mga medisina ug pag-laboratoryo nga mo-kostar og kapin P5,000. Gani, pagpakonsulta lang, sa walay kukaluoy, bungatan dayon ka’g P500.00. Ambut kon mao ba gihapon kini karon ang rate sa pagpakonsulta lang.

“The signing of the law is a big leap towards reforming the country’s health care system. The signing of the UHC law is a victory scored for the health sector. We are glad that we have reached this milestone halfway into the term of the Duterte administration,” nagkanayon si Socioeconomic Planning Secretary Ernesto M. Pernia sa National Economic Development Authority (NEDA) nga maoy nangulo pag-ugmad sa Philippine Development Plan (PDP) 2017-2022.

Labaw sa tanan, matud ni Pernia, “it assures 100 percent population coverage of PhilHealth—from the 98 percent population coverage in 2018 based on the same year’s Socioeconomic Report by NEDA.”

Ang UHC nag-classify sa mga miyembro PhilHealth ngadto sa duha ka grupo: 1. Contributory (premium contributors from payroll); ug 2. Non-contributory (fully subsidized from tax collections).

Dugang niini, ang UHC makapakunhod sa gasto sa mga pasyente, kining gitwag nga Out-Of-Pocket (OOP) expenditures. Sa ato pa, mga galastoan ug mga bayranan nga gikan sa atong mga bulsa, nga usahay walay sulod.

Dugang pamahayag ni Pernia: “High out-of-pocket medical expenses push more people into poverty. When households spend more on hospital bills and medical treatments, they are forced to spend less on other basic necessities like food, housing, and education.” Tinuod, di ba?

Matud sa Department of Health (DOH), sa unang tuig nga pagpatuman sa UHC magkinahanglan P257 billion. Kuhaon kini gikan sa collection niining gitawag nga sin taxes, ug partly gikan sa income sa  Philippine Amusement and Gaming Corporation (PAGCOR), ug sa PCSO.

Ang immediate health services naglakip sa “preventive, promotive, curative, rehabilitative,   palliative care and out-patient drugs.” 

Dugang niini, ang UHC: “Provides for a special health fund that will be created and managed by province-wide or city-wide health systems. All income from PhilHealth payments will go to the special health fund, which will be allocated by LGUs exclusively for the improvement of local health systems.”

Adunay mga problema, sama sa shortage sa mga health workers ug uban pa. Ato kining tukion sa mosunod natong mga lindog 

UNIVERSAL HEALTH CARE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with