Ang hulga
AMBOT LANG - Gerry Auxilio (Banat) - February 11, 2020 - 12:00am

Gihulga karon ang panglawas sa katawhan ug kahayopan sa kanasuran sa kalibotan tungod sa sakit sa tawo ug hayop nga mitakboy kanila sama sa 2019 Novel Coronavirus Acute Respiratory Disease (nCoV), African Swine Fever (ASF) ug bird flu.

Ang 2019 Novel Coronavirus Acute Respiratory Disease (nCoV) ug Bird Flu pulos nagagikan sa China ug ang African Swine Fever nagagikan sa Sub-Saharan, Africa apan mikuyanap na usab kini sa mga nasud sa Europe.

Ang nCoV nakapaalarma pagmaayo sa mga opisyal sa panglawas sa kanasuran sa kalibotan nga nasudlan niini tungod kay lisod kining bantayan kay virus ug dili makita.

Unya pa usab nimo kini mahibaw-an kun nagpakita na ang iyang simtomas.

Sa Wuhan, China diin kini nagsugod, milapas na sa 500 ang namatay ug liboan ang gibantayan nga mga pasyente.

Dinhi sa Pilipinas usa na ang namatay samtang sobra na usab sa 100 ang mga gibantayan nga pasyente ug wala pa kini labot sa mga gikonsiderar nga Patients Under Investigation ( PUI).

Daghan na usab nga mga baboy ang nangamatay tungod sa pagsulod sa African Swine Fever (ASF). Kining maong sakit nga mitakboy sa mga binuhing baboy ang naghatag og suliran sa mga nagbuhi og baboy ilabi na gayod sa mga backyard hog raisers.

Bisan tuod kining maong sakit dili motakboy sa tawo apan makapatay kini sa baboy nga kaonon sa tawo busa hulga usab sa panglawas sa tawo.

Samtang ang bird flu sakit sa langgam nga motakboy sa manok ug sa tawo. Kining maong mga sakit sa tawo ug hayop nakaapikto na kaayo sa ekonomiya sa nasud ug sa panginabuhi sa katawhan.

Gani miangal na ang mga magpapatigayon nga anaa sa torismo.

Apan gikinahanglan nga mamili gayud ang gobyerno tali sa kaluwasan sa panglawas sa tawo ug sa ilang panginabuhi ug negosyo.

2019 NOVEL CORONAVIRUS AFRICAN SWINE FEVER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with