Way security of tenture sa gitrabahoan

Dear Atty. Divine,

Ang akong papa nagwork sa usa ka kompaniya for 25 years already og hapit na siya moretire. Apan dili siya direct hire sa company kay giagi man siya og agency so ang iyang status bisan kun dugay na siyang nagtrabaho,  contractual employee gihapon  ug gani upat na ka agency ang miagi niya ug sige lang siya papirmahon og kontrata. Hapit na mo-retire ang akong papa ug nabalaka mi nga wa siyay madawat nga retirement tungod sa iyang status. Unsay among angay nga buhaton? Daghang salamat.

Gemma

* * *

Dear Gemma,

Kun 25 years na nga nagtrabaho imong papa sa company dugay ra siya dapat nga nahimong regular tungod kay ang pagsige og renew sa iyang kontrata nagpasabot lang nga importante kaayo ang iyang trabaho ug gikinahanglan gyud siya sa company. Ang maayong buhaton sa imong papa mao ang pagdangop sa DOLE. Dapat iyang ireklamo ang kompaniya nga iyang gitrabahuan ug dapat mo demand siya nga himoon na siyang regular. Ang contractualization hingpit na kini nga gidili karon busa mas maayo nga masayud ang DOLE sa sitwasyon sa imong papa aron siya ug ang iyang mga kaubanan matabangan kay di sad na makatarunganon alang kanila nga way security of tenure bisan kun dugay na silang nagtrabaho. Thanks and God bless.

Atty. Divine

* * *

Alang sa inyong pangutana,  ipadala lang sa Legal Corner sa  Banat News sa V. Gullas St, Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.