Pwede ba makiha kon mountol stale check?

Dear Atty. Divine,

Ang akong sister mi issue og tseke last year worth P100,000.00 ngadto sa iyang amiga  isip bayad sa iyang utang. Apan wa ni mapa encash dayon sa iyang amiga kay milarga daw siya sa gawas  og karong bag-o lang kini niya gipresent sa bank  after  one year gikan sa pag issue ug wa nay igong pundo ang bank account sa akong sister hinungdan nga  miuntol ang tseke. Mi-demand siya og payment  apan mihangyo ang akong sister nga hatagan siya og igong panahon  to settle it kay apiki pa siya karon. Apan wa kini mosugot og mihulga nga iyang ikiha ang akong sister tungod sa pag-untol sa tseke. Ang akong pangutana, kun pwede ba  makiha ang akong igsuon og  kalapasan sa Bouncing Check Law bisan kon stale check  na ang  gipresentar sa  bangko? Daghang salamat.

Noemi

* * *

Dear Noemi,

Basi sa  Section 186 sa Act No. 2031 kun Negotiable Instruments Law, ang usa ka tseke makonsiderar nga stale kun kini wa ipresentar sa bangko  for encashment within reasonable time nga diin basi sa current bank practice within 180 days or six months. Buot ipasabot nga aron mamahimong liable sa BP 22, ang tseke dapat ipresentar ngadto sa bangko within a reasonable time gikan sa pag issue. Sa kaso sa imong sister, gipresentar ang tseke after a year gikan sa pag issue sa tseke busa makonsiderar na kinng stale check ug di mahimong kabasihan sa pagpasaka og kaso. Thanks and God bless.

Atty. Divine

* * *

Alang  sa inyong  pangutana ipadala lang sa Legal Corner sa Banat News  sa V. Gullas St. Cebu City or email sa  [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.