Na-annul ang marriage pinaagi sa church
Ang akong sister dunay live-in partner og duna na silay anak. Nagplano sila nga magpakasal. Ang problema kay ang lalaki kasal pa sa una niyang asawa hinuon wa silay anak. Matud sa lalaki nga nagbuwag na gyud sila sa iyang first wife ug gani na annul na daw ang ilang marriage sa simbahan mismo diin sila gikasal. Ang akong pangutana kun valid ba ang maong annulment nga dili man gikan sa Korte? Pwede na ba makapasal ang akong igsuon sa iyang kapuyo? Daghang salamat.
Judy
* * *
Dear Judy,
Basi sa Article 40 sa atong Family Code kini nagkanayon nga ang absolute nullity sa previous marriage mamahimo lang ma invoke for the purposes of re-marriage kon kini aduna nay final judgment nga nagdeclare sa previous marriage nga void. Ang annulment sa marriage sa church dili kini binding sa state. Buot ipasabot bisan kun na annul na ang ilang marriage sa church apan wa kini legal effect kay sa mata sa atong balaod nagpabilin pang intact ang ilang kaminyuon. Ang korte lang ang maka-declare nga void ang ilang kaminyuon busa dili gyud magamit sa live-in partner sa imong igsuon ang iyang annulment sa church alang sa iyang pagminyo pag-usab. Kinahanglan nga mofile una siya sa Korte og Petition for Annulment of Marriage og kun magrant kini og mamahimo na kining final og ma-annotated na sa iyang previous marriage certificate then mamahimo na siyang makapakasal pag-usab sa imong igsuon. Thanks and God bless.
Atty. Divine
* * *
Alang sa inyong pangutana ipadala lang sa Legal Corner sa Banat News or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
