Wa nay makagawas sa China
ARANGKADA - Leo Lastimosa (Banat) - January 27, 2020 - 12:00am

Nalaktod ang lalis angay bang did-an ang taga China sa pagsud sa Sugbo ug ubang bahin sa Pilipinas tungod sa labing uwahing sugo ni Chinese President Xi Jinping: Ihunong ang tanang flights sa mga turista gikan sa China paingon sa ubang kanasuran apil nang Pilipinas sugod karong adlawa, Lunes.

Ang labing kusganong lakang sa China, nga gihimo dul-an sa duha ka buwan human sa unang pagtumaw sa bag-ong kagaw sa Wuhan, gihulagway hinuon nga uwahi na aron mabadlong ang mas paspas nga pagkatap sa kagaw sa ubang bahin sa kalibotan.

* * *

Labing maigo sa labing uwahing sugo ni Xi ang turismo sa Sugbo ug ubang bahin sa Pilipinas ug kalibotan. Ang mainland Chinese nga giingon sa Hotel, Resort and Restaurant Association of Cebu (HRRAC) nga mao nay labing dakong hugpong sa langyawng mga turista sa Sugbo nagsugod na pagkanselar sa ilang reservations sa nangaging mga adlaw.

Maigo sang mga patigayon sa Sugbo ug ubang bahin sa kalibotan nga nagsalig sa China isip tinubdan o destinasyon sa mga sangkap ug mga produkto kay malangay, kon di man hingpit nga ma-inutil, ang mga pabrika.

* * *

Way lalis nga mas mahinungdanon kay sa turismo ug patigayon ang pagpanalipod sa kahimsog sa katawhan sa Sugbo, Pilipinas ug ubang kanasuran. Sama sa epidemiya sa Severe Acute Respiratory Syndrome (SARS) niadtong 2003 ang paghigpit sa pagbiyahe sa mga molupyo nga posibleng natakdan maoy usa sa labing epektibong paagi pagpuo sa kagaw.

Naabtan ang China og walo ka buwan una hingpit nakabadlong sa SARS nga nakakatap sa 37 ka nasud, nakatakod og kapin sa 8,000 ug nakapatay og kapin sa 700.

* * *

Giapura na karon ang World Health Organization (WHO) pagdeklarar sa bag-ong coronavirus nga kalibotanong emerhensiya aron pagpugwat sa tanang kanasuran sa pagpatuman og mas kusganon nga panagang sa pagkatap sa kagaw.

Gipasidaan ang mga eksperto nga ang kalangay sa WHO magkahulogan og mas daghang matakdan ug mas daghang mangamatay.

May mga pagtuon nang nagpakita nga ang mas paspas sa pagsulbong sa mga kaso nagkahulogan nga mas daghan ang natakdan kay sa giangkon sa China.

Ug nipadayag og kabalaka nga ang kinatibuk-ang kadaut nga mamugna mas dako pa kay sa SARS.

* * *

leolastimosa@gmail.com

CHINA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with