Magtag disenyo dunay sugilanon
MGA LAMAS SA KINABUHI - Fr. Rey Cui (Banat) - January 27, 2020 - 12:00am

Niadtong bata pa ako, nahimong kabahin sa akong kinabuhi ang mag dibuho og bisan unsa apan subo lang palandungon nga ang akong mga dibuho dili gyud matawag nga maayo.

Kun mobadlis hiwi ug kun mo-drawing bati. Mahiligon usab ako sa mga libro sa arkitekto ug nahimong daw sa mabato balani ako sa akong imahinasyon.

Hinuon wala ako maghunahuna nga mamahimo kong sama nilang Faye Jones, Shiegru  Ban Ando, Gropius, Gulane ug uban pang mga arkitekt.

Wala pud koy talento nga sama sa nahuptan ni Kuya Bryan Brigoli. Sila mga bantugan man kaayo.

Apan ang nakapahimong interesante sa natad sa pagdesinyo mao nga mamahimong mamugna mo ang laing kalibutan gikan sa kalibutan nga imong napuy-an sa kasamtangan.

Ang maong kasinatian dako man kaayo og kahimoan aron sa ingon mamahimong mas puno sa arte ug bulok ang tanan alang kanimo.

Gani, ang pagdesinyo pagpadayag man sa imong personal imprint ginamit ang mga butang o dapit sa imong palibot.

Hinuon dili kaayo ko tigguba gawas lamang kun kinahanglanon gyud.

Ang kanhiay nga dagway mahimong sumpayan aron sa ingon mamahimong mapadayon ang sugilanon nga gisugdan sa nag-una nimo.

Kay kun gub-on mamahimong mawala ang imprint sa nag-una.

Ang prinsipyo ra gyud nga dakong gisunod mao man ang: Utilitas diin atong hunahunaon ang gamit ug pulos sa atong gihimo.

Ang Firmatis  diin atong ibutang sa atong hunahuna ang kalig-on agig pagseguro sa seguridad sa mga okupante.

Ang aesthetics kun kaambong aron sa ingon mamahimong mas nindot sa pamati ug panan-aw ang palibot nga imong gihatagan og kinabuhi alang kanila nga mopahimulos niini bisan sa daklit lamang.

Ang mas yano ug simple nga paagi sa pagpamuhat dako kaayo og impact aron mas ma appreciate ang imong gibuhat.

Kay ang komplikado nga desinyo maghatag man tuod og kaanindot apan dunay uban kanila dili man praktikal nga sa ato pa, wala na kinahanglana pa.

The simple the better matud pa. Ning atong kinabuhi nga usahay gihimo natong komplikado maoy nagdala kanato og  kasakitan.

Ang yanong pagsaulog niini ginamit arte sa paghulma niini segun sa atong panginahanglan ug kalipay makatabang man aron mas madayeg nato ang tinubdan sa tanang arte ug desinyo nga way lain kondili ang Ginoo!

DUNAY
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with