Gidakop bisan mitabang ra
BALITAHOM - Atty. Jose Marie N. Poblete (Banat) - January 26, 2020 - 12:00am

Gisikop sa mga sakop sa Criminal Investigation and Detection Group (CIDG)- Misamis Oriental ang usa ka gitumbok nga leader sa “Egay” crimimal group nga giingon nga nalambigit sa pagbuhat og pagpakatap sa mga mini nga kwarta didto sa Tablon, Cagayan de Oro City.  Nakapahinumdom kining maong balita sa storya mahitungod kuno sa usa ka Muslim nga nadakpan usab tungod sa susama’ng salaod.  Mituaw na lang ang Muslim sa pag-ingon, “Makalibog ang gobyerno. Moingon nga walay kwarta mao’ng walay project. Pero kon imo tabangan himo og kwarta, dakopon ka”.  Pagkatoytoy!

likay sa hugason

Mibahad si Presidente Duterte nga hunongon na niya ang Visiting Forces Agreement (VFA) tali sa Pilipinas ug sa Estados Unidos human gikanselar sa kagamhanan sa US ang Visa ni Senator “Bato” de la Rosa.  Gihatagan niya og usa ka buwan nga notisya ang US sa pagpapahiuli sa Visa sa Senador.  Sama ba kining panagbangi  sa away sa magtiayon nga nagtudlanay sa mga hugason nga plato diin nagkasabot sila nga ang una nga motingog maoy manghugas?  Kinsa kaha’y mamilok o motingog pag-una tali sa US ug Pilipinas?  Abangan!

Mihilak ang tigre

Naghilak samtang nangayo og pasaylo si Jayson John Tapales nga gi-anggaan og “BOY LAWAY” ngadto sa hingtungdan niya’ng mga biktima sa pagpamahid og pintal nga gisagulan sa iyang laway ngadto sa nawong sa mga mga tawo atol sa Sinulog Grand Parade.  Hambogero kaayo tan-awon sa video si Tapales dihang gipasundayag niya ang iyang salawayong buhat.  Apan karon nga gilutos na siya sa mga awtoridad, maantigo man diay mobahag ang ikog sa tumang pagpaka-aron-ingnon. Tukma kaniya ang panultihon nga “HAYOP KA MAN, MOHILAK KA USAB”.  Bugal-bugal pa more!

Miani na sa iyang gitanom

Kanhi opisyal sa polis nga si Ex-Police Corporal Carlito Donque, Jr., kinsa gi-relibohan kaniadto sa iyang pwesto sa Mactan Airport isip sakop sa Aviation Security Group tungod sa pagpangilkil ginamit ang modus nga “Tanim-Bala,” nasikop na usab sa sama gihapon nga sala’ng pagpangilkil. Kon adunay itanom, aduna gyo’y anihon.  Nagtanom siya’g bala ug tinonto, miani si Donque og mga pangtunglo ingon man kalabuso. Maayo kaniya pahigupon na lang sa sabaw sa nilung-ag nga bala aron matilawan niya ang bunga sa iyang hinaguan.  Karma is real!

ARRESTED
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with