EDITORYAL - Kompromiso tungod sa Visa?
(Banat) - January 25, 2020 - 12:00am

Mibahad si Pres. Rodrigo Duterte nga putlon ang Visiting Forces Agreement tali sa nasud ug sa Amerika kun dili bakwion sa US ang pag terminate kang Senador Ronald dela Rosa.

Nagsugod kining tanan sa pagpangusog sa usa ka US senator paglutos sa mga opisyales sa Pilipinas lakip na si Duterte nga nagpapriso kang Senador Leila De Lima.  Si De Lima kinsa nagunang kritiko ni Duterte, gipasanginlang nalambigit sa illegal drugs trade apan gihimakak kini sa senadora.

Tungod sab niini, mibawos ang Pilipinas pinaagi sa pag-require sa tanang Amerikanong moanhi sa Pilipinas sa pagkuha og visa kun mobisita dinhi.

Sunod nga nahitabo, gi-ban sa US silang Duterte, Presidential Spokesman Salvador Panelo, kanhi House Speaker Pantaleon Alvarez, dela Rosa ug uban pa pinaagi sa pagkanselar sa ilang mga US visas subay sa US Magnitsky Law nga bag-ohay lang gipasar didto sa ilang nasud. Karon, si Duterte mimando pagputol na sa Visiting Forces Agreement kun dili korihian ang pag-ban sa visa ni dela Rosa sa US.

Ang VFA usa ka kasabotan may kalabotan sa seguridad sa duha ka nasud. Husto ba nga kini maoy gamitong ‘bargaining chip’ aron paludhon ang US? Dili ba sobra ra kaayo?

Dunay mas daghan ug dagkong pwedeng pangayoon ang Pilipinas para sa daghang Pilipino bugti sa VFA. May katungod ang gobiyerno pagpanalipod sa soberiniya niini gikan sa gihulagway nilang pagpanghilabot sa Amerika sa paagi nila pagdumala sa nasud. Apan kining nahitabo karon bawsanay naman sa mga opisyales sa duha ka mga nasud. Daw padak-anay og pusta. Unsa kahay epekto niini, makompromiso ba ang seguridad sa Pilipinas? Apan kun mahinayon kini mongisi og dako abot dunggan ang China.

Sa pagkakaron, naa pa kanunay ang hulga sa terorismo diin dako og natampo ang US pagbuntog niini, ug talandugon pa usab kaayo ang seguridad diha sa West Philippine Sea dala sa padayong hulga sa China.

Ang US mahimo rang mopokus sa ubang nasud sa Asya, apan ang Pilipinas kang kinsa man modangop, sa China?

RODRIGO DUTERTE VISITING FORCES AGREEMENT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with