Hubog nga nagmaneho sa sakyanan

Dear Atty. Divine,

Ang akong pag-umangkon nakabangga og usa ka motorsiklo. Matud pa sa mga saksi nga hubog ang akong pag umangkon nga nagmaneho sa iyang sakyanan hinungdan nga kini nakabangga. Naangol ang nagmaneho sa motorsiklo ug na-damage sab ang motor. Pagkakaron wa pa sila ma-settle ug plano sa biktima nga mo file og kaso. Ang akong pangutana kun unsay posibleng silot kun mapamatud-an ang akong pagumangkon hubog nga nagmaneho atol sa insidente? Daghang salamat.

Lucy

* * *

Dear Lucy,

Basi sa Section 5 sa  Republic Act  10586 or an Act Penalizing  Persons Driving Under the Influence  of Alcohol and  Dangerous Drugs and Similar Substances kini nagkanayon nga usa ka kalapasan sa balaod ang pagmaneho  sa mga motor vehicle o sakyanan kun kini ubos sa influence sa alcohol o drugs.  Kun mapamarud-an nga ubos sa influence sa alcohol o drugs ang driver sa sakyanan nga na-aksidente, ang ipahamtang nga silot niini basi sa Article  263 sa Revised Penal Code mao ang pagkabilanggo sud sa tulo ka buwan ug multa nga One Hundred Thousand Pesos ngadto sa Two Hundred Thousand Pesos. Gawas niini, i- confiscate sab ang driver’s license niini ug isuspenso sud sa 12 ka buwan alang sa mga non-professional  drivers for first  offense and revocation of license for second  offense. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City  or email sa [email protected]  ug akong tubagon ang inyong pangutana pinaagi sa akong column matag Miyerkules, Sabado ug Domingo.