Ang pagdapit

Dunay mga higayon sa parokya nga hayahay ang schedule mao nga pwede ra gyud nga magpatuyang sa pagkatulog. Apan dunay mga higayon nga arang kasikit ang tanang schedules nga tungod niini punga punga pud ang agi. Hinuon, dili man pud ni kanunay sanglit segun raman pud sa okasyon.

Mao nga sa dihang hapit na ang among pagsaulog sa Pangilin sa Balaang Bata daghan pud ang among schedules ug natayming man nga daghan pud og fiesta mao nga daghan pud ang imbitasyon. Mao nga ang nahitabo eat and run ang tanan. Kondili man gani eat and run USB ang tinagoan! ( Ulo sa Baboy).

Kining pagkaon kun buot hunahunaon nindot ug lamian. Apan dunay mas halawom pa niini ug kini mao man ang atong tinguha nga makigsandurot sa atong kaigsuonan. Subo lang kaayo sa akong bahin, nga dunay limitasyon dili tungod kay di ko ganahan kondili tungod sa limitasyon apil na niini ang mga schedules nga dili kapugngan.

Apan ang daklit nga pagtimbaya ug ang eat and run dako kaayo og kahimoan aron mas mapaladman pa ang relasyon sa usag usa. Unta ang mga parokyano masayud nga dili lalim nga magbaguod sa katambok sa lawas! Kay basin mao kini ang hinungdan kun nganong mas mahimong langay pa gayud ang pagpangalagad kay dili naman himsog ang panlawas. Daghang tabi diyotay nga kaon makalipay nga kasinatian uban sa katawhan. Ang imong presensiya dako na kaayo og kahimoan aron sa ingon mas makita nimo ang bili sa kadaghanan.

Mapahiyumon kaayo si Nanay nga nidalit sa iyang utan bisaya samtang nagkalingaw kami og kukabildo sa iyang anak dalaga. Ang matam-is nga pahiyom nakapalimot nako sa reyalidad nga dunay schedule nga nagsunod mao diay nga sige og senyas ang mga kuyog nga silang Tito ug Mario, bantog rang igo lang sa pagyuhom si Dina. Dili siya makatuo sa iyang nakita nga mas maayo gyud diay nga malangay aron sa ingon sa pagbati ug pagkumustahay sila magpadayganay! Sama sa Santos nga Misa pagdapit sa Dios aron kita kaniya makighiusa!

Kasinatian nga nindot kaayong saulogon bisan pa man kun sa halayong lakaw kutas ang tanan! Kun ugaling sa hataas nga panaw angayan kitang mohunong aron mopahuway kini arons sa ingon mamahimong mas taas ang higayon sa pagsandurotay. Kay ning kalibutan kausa ra gyud ta moagi ug angayan lamang nga hatagan og igong pagtagad ang tinarong nga pagdapit.