Ang mga bata
MGA LAMAS SA KINABUHI - Fr. Rey Cui (Banat) - January 24, 2020 - 12:00am

Bisan asa ko dapita madestino nga parokya duna gyud koy espesyal nga pagtagad sa mga bata. Mao nga sa matag ikaduhang misa kada adlaw nga Dominggo ako gyud silang bendisyonan.

Ug kun wala pay laing schedule ug kun daghan ang bata buot kong makigdula kanila sa hilabihan. Ingon ana sila nako ka pinangga.

Mao nga daw nitibi ang akong kasingkasing sa dihang akong nakita ang hulagway sa duruha ka mga puya nga gipanglabay sa kanal nga wala nay kinabuhi sa ilang inahan.

Wala pud ta masayud kun nganong nakabuhat man siya sa ingon nga unta siya man ang inahan. Nabiktima ba kaha siya sa lugos nga nagbunga?

Dili pa ba kaha siya andam? Nahimo ba siyang gipugos nga human ipahimugso ang maong mga bata kinahanglan sila ilabay na lang ingon og basura?

Kinsa man ang mas basura ang gilabay o ang naglabay?

Tingali pud kaha basin nakasinati og post partum depression ang inahan mao nga nahitabo kadtong maong mga binuang? Ambot ba dili kita makahukom diha diha.

Tingali daghan sa mga tawo ang nahimong idlas nga modawat sa responsibilidad nga ilang pagasudlan mao nga buot silang moikyas.

Nahimong mas hayop pa ang katawhan ning atong kalibutan kaysa mga hayop nga daw mas but-an pa kay kanato.

Kitang mga tawo dunay hustong hunahuna, nasayud baya kita kun unsay husto ug unsay maayo alang sa kadaghanan apan ang nahitabo mao nga atong tuison kun unsay husto aron lamang mohaum kun unsay atong gusto.

Atong gusto nga maisip natong personal ug kinaugalingon. Gusto nga kasagaran hinakog ug dili makatarunganon. Wala koy laing nahimo gawas sa pagpatulo sa akong luha diha sa kahilom.

Sulod sa akong lawak nihalad ko og mga pag-ampo alang niadtong duha ka mga puya nga gilabay lamang nga murag mga patay nga hayop.

Nakaingon ko nga kun ugaling hatagan ako og kahigayonan nga moatiman og masuso gawas sa akong mga pag-umangkon kadakong grasya niini…. nahapugwat ko sa dihang may nanuktok.

Sa akong pag-abli dunay magtutudlo nga ginganlan og Vencia nga asawa ni Paterno nga nangonsulta kun unsay angay buhaton sa mabdos apan naglisud na kay walay ikagasto sa iyang gisabak. Igo lang ko sa pagpahiyum ato lang tabangan ikaw ang mag atiman akoa ang gatas.

BATA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with