Hain nang mga kauban sa bata?
ARANGKADA - Leo Lastimosa (Banat) - January 23, 2020 - 12:00am

Gipaabot nga mahibaw-an na karong adlawa kon unsa ang kagaw nga nakatakod sa 5-anyos nga batang lalaki gikan sa Wuhan, China nga nitugpa sa Mactan Cebu International Airport kuyog sa iyang inahan niadtong Enero 12.

Kay gitakdang mogawas na ang resulta sa pagsusi sa laboratoryo sa Australia sa samples gikan sa bata.

Dako ang kahigayonan nga mao na ni ang coronavirus nga nakatakod na og gatosan ug nakapatay na og siyam sa Wuhan kay gikan man sa Wuhan ang bata ug ang inahan nga nanganhi sa Sugbo aron pagkat-on og English.

Way katakos ang Research Institute for Tropical Medicine (RITM) sa Department of Health (DOH) pag-ila sa kagaw, igo rang nakatino nga di SARS ni MERS.

* * *

Kon kinsa may nipakatap sa pasidaan nga nakasud na sa Sugbo ang bag-ong coronavirus sa China tulo ka adlaw sa wa pang pahibawo sa DOH mahimong nakahipos og kasayuran apan gibuot-buotan ang ubang detalye o igo lang nipa-ukyab ug nakatsamba sa pipila ka detalye.

Ang nitakdo rang detalye sa post sa social media mao nga 5 anyos ang bata nga kuyog sa inahan gikan sa China, apan sayop ang ubang kasayuran: Nga sa Airbnb nga condo nagpuyo ang inahan ug anak sa wa pa masakit, nga ilang samples gipada sa pribadong ospital sa kaulohan, nga wa na pakita human na-positibo sa coronavirus, ug nga may laing taga China nga nataptan sa kagaw nga giatiman sa ospital sa gobyerno.

* * *

Ang Estados Unidos maoy labing uwahing nitino nga nasudlan sa coronavirus sa Wuhan, sunod sa Thailand, Japan, South Korea ug Taiwan.

Tungod sa kabalakang mas lapad ang pagkatap kay sa giangkon sa China, nagtigom ang World Health Organization (WHO) sa Geneva aron pag-umol og mga lagda sa pagpugong sa pagkatap sa kagaw sa ubang kanasuran.

* * *

Sama sa Sugbo, may gidudahan sang mga kaso sa Vietnam ug Australia. Negatibo ang nahaunang gidudahan nga mga kaso sa Singapore ug Hong Kong.

Apan may mga pangutana nga wa pa matubag sa opisyal nga pahibawo ni Health Secretary Francisco Duque: Nasubay na bang tanang kauban sa bata ug inahan sa ayroplanon gikan sa Guangzhou, China paingon sa Mactan; ug gikinahanglan bang i-quarantine silang tanan?

* * *

leolastimosa@gmail.com

BATA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with