Deboto lang sa usa ka adlaw
BALITAHOM - Atty. Jose Marie N. Poblete (Banat) - January 23, 2020 - 12:00am

Gihulagway nga “A show of Faith” kon usa ka pagpadayag sa pagtuo ang gipakita sa halos mokabat tres milyones ka deboto nga misalmot sa solemning prosesyon kaniadtong Sabado, Enero 18, 2020.  Tinuig na kini nga talan-awon diin daghan gayod ang moduyog sa prosesyon.  Apan mikomentaryo ang akong silingan nga sa mga nikuyog sa prosesyon wala gani kuno makatunga ang matawag nga tinuod nga deboto.  Ang uban gani kuno deboto lang atol sa adlaw prosesyon, apan sa laing adlaw sa tuig salawayon kaayo ug mga taras.  Sa ato pa diay, 1 day ra ang “Show of Faith”, 364 days ang “Show of Shit”.  Hala no!

Pakyas nga panig-ingnan

Matud pa ni Konsehal Joy Young dili maayo nga kopyahon dinhi sa Sugbu ang solusyon sa trapik nga gihimo sa Manila tungod kay wala usab masulbad ang trapik sa maong lugar. Dason pa sa Konsehal nga ang solusyon sa pagsulbad sa trapik sa Manila usa ka pakyas nga panig-ingnan. Wala makig-away ang Konsehal sa taga-Manila; aduna lang tingale siya’y natimaho-an nga “lain’g” tuyo sa mga tawo nga buot gayod ipadayon ang mga bag-ong proyekto sa pagsulbad sa trapiko dinhi sa Sugbo.  Sumpaki pa more!

Gisayonan lang ang twg

Human morekomendar ang Technical Working Group sa Department of Transportation (DOTr) nga hunongon na nila ang pagtoon sa viability sa pagpadagan sa mga habal-habal sa kadalananan, mibalitok gilayon sila sa maong desisyon.  Buot sa mga Senador nga ipadayon gayod ang pagtoon aron mahatagan ang mga magbabalaod ug saktong datus nga magamit sa pagpanday sa balaod.  Pastilan ang TWG, wa nila hunahunaa nga ang ilang kataspok sa pagtiwas sa ilang pagtoon, mamahimong hinungdan nga makulban sa kaldero ang gibana-bana nga kapin sa 3,000 ka Angkas drivers lakip na ang sakop sa banay sa maong driver.  Gisayonan lang!

Sangko sa langit ang pagbasol

Usa ka security guard nga nagpaka-aron ingnon nga pulis samtang nanghasi sa mga vendors, nakuhaan ug video nga maoy hinungdan sa iyang pagkabuking.  Sangko sa langit karon ang iyang pagbasol gumikan sa kahasol nga iyang nahiaguman sa hinanali lang niya nga paghinambog.  Tinuod gayod ang panultihon nga “Kon dako ang imong kakulangon, dako usab ang panginahanglan sa paghinambog”.  Sa nahitabo karon sa security guard, tukma kaniya ang awit sa kwaresma nga nagkanayon: “Nagtapat na kami ug nagabasol”.  Pagkatoytoy!

Katunga na lang ang pobre

Namahayag ang National Economic Development Authority (NEDA) nga sa tuig 2022, mabahin o mokunhod na sa katunga ang kakabos sa katawhan sa Pilipinas.  Dili kini angay ipangandak sa gobyerno.  Tungod sa kadaghan sa mga kabos, makita ug mabatyag gihapon ang tumang kalisod inig tan-aw nato sa atong palibot. Dili ba kaha hinoon buot ipasabot sa NEDA nga tunga-on ang mga kabos mao nga ang katunga atua nagpuyo sa Luzon ug ang laing katunga anhi dinhi nagpuyo sa Visayas ug Mindanao.  Hala no?

ADLAW
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with