EDITORYAL - Nagpabadlong sa Sinulog
(Banat) - January 22, 2020 - 12:00am

Dunay nag-viral nga video sa social media bahin sa mga mahulagway nato nga binuang sa pipila ka mga nanambong ug nalingawlingaw atol sa Sinulog Grand Parade niadtong nakalabay nga adlaw nga Domingo.

Sa maong video makita ang usa ka grupo sa mga kalalakin-an nga nagsige og timbaya sa mga tawong molabay sa ilang gikahimutangan, puno sa paghangop ug may dala pang pahiyom dungan sa pag-ingon “Pit Senyor!”

Apan pakapin sa iyang gihimo mao ang pagpahid og pintal sa aping sa tawong ilang masugatan dungan sa pagtimbaya, natural ang mga tawong tagdon og ingon niana, bisan og nakurat motubag nalang sab og “Pit Senyor!”

Apan wala masayod kadtong mga gipangpahiran og pintal sa aping ug nawong, gisagolan diay kadto og luwa sa maong lalaki.

Ang mga netizens nga nakakita sa video giluod ug nangasuko dalang balikas sa maong tawo. Unsa man nga klase sa tawo ang maghimo niana ngadto sa iyang isi’g-kaingon nga wala may dautang gibuhat kaniya?

Makita sa video nga dili man sab sila tantong hubog na kaayo nga wala na masayod sa ilang gibuhat kun dautan ba og dili, gani mi-smile pa kini sa video nga dawq panginsulto human iyang giluwaan iyang palad nga maoy iyang gipahid sa nawong sa mga tawo.

Unsa may sala sa Senyor Sto. Niño nga gigamit man aning tawhana ang Iyang pangilin aron ipakita ang iyang pagkawalay respeto sa uban?

Daghan ang gustong ipapriso ang maong lalaki ug kun kinsa pa man iyang mga kauban nga nagbuhat niadtong binuang sa mga inosenteng nanan-aw sa selebrasyon.

Usa pa, posibleng duna kini makatakod nga sakit ug nabutang karon sa kakuyaw ang kinabuhi sa mga tawong iyang gipahiran sa iyang luwa.

Gipangita na sa mga otoridad kining tawhana aron masilotan sa pagbinuang aron sila maleksyon ug patagamon.

SINULOG
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with