Pagbinastos sa Sinulog
LABTIK - Alan Domingo (Banat) - January 22, 2020 - 12:00am

Public apology ug pagkabilango ang gipangayo sa kapolisan sa lalaking nagbinastos sa Sinulog.

Nag viral ang ang video sa usa ka lalaki nga nagbutang og pintal sa iyang kamot nga gisagolan og luwa o laway dayon gipamahid sa mga tawo nga moagi sa iyang tungod.

Haum ug angayan lang nga kondenahon ang iyang gihimo nga pagbinastos dili lang sa mga nabiktima niya kon dili sa tanang mga Sugboanon ug mga bisita nga nisaksi sa kasaulogan.

Giingong taga dakbayan sa Danao ang naasoyng lalaki busa wala kini palabya sa kagamhanan sa Danao nga mohimo og aksyon batok sa naasoyng lalaki.

Gani tukion kini sa ilang session sa konseho sa mga posibleng lakang o silot nga ipahamtang kaniya.

Seguro sa naasoyng lalaki nadala lang siya sa iyang kalipay nga wala na makahuna huna nga dautan na diay ang iyang gihimo.

Nagtoo siya nga holy saliva ang iyang gipamahid sa nawong sa iyang mga isig ka tawo apan mao na kini ang naghatag kaniya og labad sa ulo.

Matod sa pangulo sa Cebu City Police Office Col. Engilbert Soriano nga andam silang moabag sa kagamhnanan sa Danao kun gikinahanglan sa pagpatagam sa maong lalaki.

Dako kining insulto sa tanan nga nagsaulog sa fiesta sa Senyor busa angayan lang nga masilotan kini.

Dili lang public apology kon dili pagkapriso gyud ang iyang matagamtaman aron makakaon og tagam.

Samtang angayan tan-awon sa kagamhanan kun angayan pa bang tugotan ang mga ingon niini nga kalingawan sama sa face painting kay dili maseguro nga limpyo ang imang ipahid sa nawong.

Dili ra gyud intawon makalikay kay huot kaayo ang karsada diin sila mag atang, wala ta kahibawo kun dunay kontaminasyon ang ibutang nila sa pintal nga makatakod na hinoon sa uban.

SINULOG
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with