EDITORYAL - Kataposan na sa habal-habal?
(Banat) - January 21, 2020 - 12:00am

Dili nasab ipadayon sa technical working group ang pilot test run sa tulo ka mga motorcycle taxis sama sa Angkas. Dako ang purohang mobalik na sab ang ‘guerilla-style’ nga operasyon sa mga pasaheroang motorsiklo dinhi sa nasud. Ang motorsiklo nga gigamit ug naandan na karon sa mga sumasakay nga maoy sakyan padung sa ilang mga destinasyon nakatabang dili lang sa mismong pasahero kondili hasta sa mga drayber nga nanginabuhi pinaagi niini. Ang Angkas palang daan adunay 27 mil ka mga rehistradong drayber sa tibuok nasud. Sila maoy kinadaghanan. Samtang ang laing duha ka bag-ong kompanya nga JoyRide ug Move It, nga giapil sa maong pilot test run duna sab liboan ka mga drayber.

Matag drayber adunay gipakaon nga pamilya ug karon kulban sila og kaldero tungod lang kay wala masayod ang gitahasang ahensya kun unsa ilang buhaton?

Ang Department of Transportation nga maoy nag-umol sa TWG nagkabungabunga pagtubag sa mga pangutana atol sa public hearing uban sa mga magbabalaod.

Ilaha pa gyung girekomendar didto nga hunongon ang maong pilot test bisan walay klarong rason ngadto sa mga magbabalaod.

Ang pilot test gihimo aron pagtino kun luwas ba gyung sakyan ang motorsiklo isip transportasyon. Apan wala makahatag og mga impormasyon, resulta sa pagtuon, statistics ang TWG ngadto sa mga Senador kabahin sa ilang pilot testing, ug karon ilaha nalang gikanselar.

Pinaagi unta sa maong mga kasayuran makapanday og balaod ang Kongreso aron mahimong legal nga matang sa pamasaheroan ang motorsiklo. Karon, napunta sa wala ang tanan. Tungod niini, sugod karong sunod semana pangdakpon na ang mga mamasaherong motorsiklo.

Apan ang pangutana, dili ba kaniadto paman gyud unta nila gisigehan pagdakop ang mga habal-habal apan wala gyud nila mapahunong, maong duna karoy pagtuon nga gihimo? Pagkatinuod, maong nidaghan kining mga habal-habal nga pasaheroan tungod kay mao lamang ang pinakapaspas nga alternatibong transport system sa mga sumasakay  apan hangtud karon nagdumili pagdawat ang mga taga DOTr. Karon unsa may alternatibong transportasyon ang mahatag sa DOTr?

ANGKAS
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with