Signal shutdown
MGA LAMAS SA KINABUHI - Fr. Rey Cui (Banat) - January 20, 2020 - 12:00am

Isip mandato alang sa seguridad nahimong pang picture na ang mga cellphones panahon sa Sinulog. Kini aron paglikay sa bisan unsang makadaut nga mga hitabo ginamit ang nahisgutang gadget of communication.

Hinuon alang nako mas maayo ra pud nga giingon ini kini aron sa ingon mas ma enjoy sa matag usa ang higayon nga magkakuyog diha sa pagsaulog sa Piyesta Senyor diin nahimong mas makahuloganon ang higayon tungod kay nahimong mas suod ug personal ang kukabildo tali sa mga ginikanan ngadto sa ilang mga anak, sa mga magtiayon, ug sa mga managsuon.

Kay kun anaa ang gadgets mamahimong magkuyog tuod mo apan wala pud diha ang imong hunahuna sanglit nahimong busy ka man sa pakig-chat ni bisan kinsa.

Ang kagahob sa palibot maoy nakapahimo nimong immune sa kahaw-ang sa imong kaugalingon nga tungod niini nagpangita ka og kapahungawan. Mao nga dunay mga posts nga puno sa pagmahay hinuon ang uban kalipay.

Ang signal shutdown nag-abli usab sa naandang gutay sa atong tawhanong kalambigitan. Ang bisan unsang personal mas nindot gyud diay kay sa bisan unsang birtwal.

Nga ang birtwal nga komunikasyon mag-agad lamang sa atong panginahanglan nga dili diay sa tanang higayon ipaagi ang tanan sa birtwal.

Dunay butangan ang matag usa. Ang signal shutdown naghatag og kahigayonan nga dili gyud tugotan ang daghang mga tawo nga imong mabuhian ang giisip mong mahinungdanon.

Kay wala may laing kapaingnan mao nga maningkamot kita nga dili kita makabuhi sa atong mga minahal sa kinabuhi. Sama sa usa ka bata nga mokupot pag-ayo sa ilang ginikanan sa kahadlok nga malayo sila gkan nila ug mawala.

Nahinumdom ko niadtong bata pa ako nga kun kuyogon ko sa akong mama aron manabo iya rakong hayloon og batchoy.

Sanglit amiga man niya ang tag-iya sa tindahan adto ko niya palingkoron orderan og batchoy samtang siya mangompra. Didto ra gyud ko ug dili gyud maayo nga mohawa kay kun mohawa sa nahimutangan seguro gyud ko nga mawala.

Dunay higayon nga ako nilakaw og pila ka metros gikan sa batchoyan, pwerte nakong ngaab ug maayo na lang kay niabot akong mama ug iya dayong kong gikuha.

Hinuon anaa pud ang kasaba kay nganong gahi ko og ulo.

Ingon ana ang among kinabuhi kaniadto. Walay cellphone ug suwat ra gyud ang komunikasyon labina sa mga penpal apan ang tanan hapsay, way mo bash nimo, ang mga mo respeto sa imong baruganan labina kun maghisgot kita og panahon sa kinabuhi.

Dili sama karon nga kun mohimo ka og komentaryo sa Facebook daghan ang modaut ug motamay kanimo.

Ang signal shutdown atoll sa Piyesta Senyor, gawas nga mekanismo alang sa atong seguridad, dako nga kahigayonan sa pagpabilin sa kasamtangan ug sa pagsaulog niini sa hilabihan, dili kaysa paghunahuna sa ugma nga dunay kaugalingon usab nga suliran.

SIGNAL SHUTDOWN
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with