Cause of our unity and charity
JAV, BANATI! - Javier Tapulado (Banat) - January 19, 2020 - 12:00am

Mao kini ang tema nga gipili sa kaparian sa Basilica Menore del Santo Niño de Cebu alang sa kapistahan ni Señor Santo Niño ning tuig 2020, January 9-19, 20, ug 24, diin ilambigit gyod ang matulon-anong kahulogan sa matag paring mowali.

Usa ka Fr. Roy, homilist sa alas 7:00 sa buntag nga January 15 mass, mipaambit sa  tulokibong kasinatian sa taga Bohol, kinsa bisag layo ang  ilaha, moanhi gyod sa Cebu aron motambong sa misa-nobena ni Señor Santo Niño. Kay matud pa, namatay na ang maong deboto. Pero gibuhi si milagrosong Bata.

Sa ospital, ang sininang gisul-ob sa naghigdang masakiton, gihubo sa inahan ug gilabang ang dakong lawod nga nag-uwang sa Bohol ug Cebu aron lang ikapahid ang hinubong sinina ngadto sa imahe ni Señor Santo Niño. Pero padulong pa lang ang inahan sa basilica, gitawagan na sa iyang bana, kinsa nagpahibalo, ilang anak patay na

Apan wala mawad-ig paglaom ang inahan. Iyang giingnan ang bana, nga hapit na siya moabot sa simbahan ug sa higayon nga ikapahid na ang dalang hinubo nga sinina ngadto sa imahe sa Balaang Bata, hugot ang iyang pagtuo nga mabuhi ang namatay nilang anak.

Tuod man, human gyod niya mapahid, nanawag ang iyang bana ug gipahibalo ang asawa nga sa kalit lang, nabuhi ang ilang anak.

Ug misamot kamalipayon ang panaghiusa sa ilang panimalay human nila masinati ang gugma ni Santo Niño nga ila pong gipasinati ngadto sa ilang anak – ang walay kinutobang gugma nga walay paglubad hangtod sa kamatayon.

Dinhi pa nako masabti ang tinuoray nga kahulogan sa ‘charity.’ Abi nakog ang ‘charity.’ grupo sa manggiluy-on nga nagtinabangay pagpangitag kuwarta aron ikahatag sa nanginahanglan. Dili diay kutob lang dinhi. Kinahanglang ubanan gyog gugma. Kay ang langitnong hubad sa ‘charity,’ gugma diay sa Ginoo ug gugma sa atong isigkatawo. Gugmang walay kataposan.

Maong bisag unsa kapuno ang Pilgrim Center sa mga nanagdasok-nanimbahay, hilom kaayo ang tibuok palibot inig isa sa pari sa ostiya. Unya wala gyoy magtinukmoray inig sulod ug gawas sa mga debotos.

Tingale, nakita nila ang nagdupang tema: ‘SANTO NIÑO: CAUSE OF OUR UNITY AND CHARITY’. Ug midulot sa kasingkasing ang tukmang mensahe.

CHARITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with