Sto. Niño devotion
IYO ANTOY - Antolin dela Serna (Banat) - January 18, 2020 - 12:00am

Sukad sa pagsugod sa mga misa-novenaryo  pahinungod ni Sto. Niño, and even days before sa maong novenaryo, atong nasaksihan ang pagdagsang sa katawhan dinhi sa atong dakbayan. Sa vicinity sa simbahan sa Sto. Niño, ilabina panahon sa misa-novenaryo, grabe kaayo ang kahuot sa katawhan.

Ug gumikan sa pagtak-op sa kadalanan nga nag-alirong sa Basilica, nakatampo kini sa daan nang naghuot nga  trapiko.

Apan kining tanan ug ubang mga kakulian, wala ipanumbaling sa katawhan, ilabina na sa mga dumuduong nga mituyo pag-anhi sa atong dakbayan gumikan sa kainit sa ilang debosyon ngadto sa Balaang Bata.

Kining pagdagsang sa katawhan dinhi sa atong dakbayan karon naghulagway unsa ka lawom ang atong debosyon ug pagmahal ngadto sa Sto. Niño.

Atong hinumdoman nga sa kadaghang katalagman nga mihapak sa atong nasud, na-spared ang atong dakbayan, na-exempted kita gikan sa maong mga katalagman, wala kita mahiagom niini, ug kini sa mga Sto.Niño devotees, ilang gi-attribute sa paganalipod kanato sa milagrosong Bata.

Mao nga niining atong pagsaulog sa kapiyestahan sa Sto. Niño, ato kining pagpadayag sa pasalamat sa pagpanalipod kanato sa Balaang Bata gikan sa maong mga katalagman.

Dugang niini, daghan ang mga mipadayag sa ilang pagpasalamat gumikan sa mga grasya nga ilang nadawat, sama sa maayong panglawas nga nakasaulog na usab sila sa laing tuig  sa kapiyestahan sa Balaang Bata.

Sa ato nang nahisgutan dinhi, ang pagdagsang sa katawhan dinhi karon sa atong dakbayan,  naghulagway sa atong kainit ug pagmahal sa Sto. Niño, ug pag-acknowledge sa mga grasya nga atong nadawat gikan kaniya.

Ug kining Sinulog Grand Parade, nga hugpaan usab sa daghang tawo, lakip na sa lokal ug langyawng mga turista, pakapin na lang kini sa atong pagsaulog Fiesta Señor. Silbing bonus. Of course, daku kining natampo pagpadaghan sa katawhan nga midagsang sa atong dakbayan karon, bisan tuod og ang uban kanila dili necessarily devotee sa Sto. Niño.

Sa tanang mga religious rites sa atong pagsaulog sa Fiesta Señor, hugpaan  gayud kini sa bagang katawhan. Timailhan sa kainit sa atong debosyon ngadto sa Balaan ug Milagrosong Bata.

Atong kutluon ang Foreword sa Souvenir Program sa unang Sinulog sa Sugbo sa tuig 1980: “The Philippines is the seat of Christianity in the Far East – and Sugbo, the heart of this country. It was here where the first Christians, led by King Humabon and his wife, Queen Juana were baptized in the presence of Ferdinand Magellan.

“The Sinulog is an age-old Cebuano practice of veneration handed down through the generations.The object of this veneration is the Image of El Señor Santo Niño which Rev. Fr. Pedro Valderama himself gave to Queen Juana when she was baptized on April 15, 1521.”

Sa Abril 26, 1565 (44 ka tuig gikan sa 1521), ang Sugbo giharian ni King Tupas, ug si Miguel Lopez de Legaspi ug iyang katawhan mianhi sa Sugbo, diin nakaplagan ang maong imahen sa Sto.Niño nga gidawat ni Queen Juana sa tuig 1521 “amidst the ruins”  sa nasunog nga Sugbo.

Hilabihang lipaya sa mga natibing Sugbuanon, usa ka dakug selebrasyon ang nahitabo, nagsayawsayaw sila, mikawaykaway sa ilang mga kamut ... ug dinhi nagsugod ang Sinulog sa Sugbo.

Pit Senyor!

 

STO. NIñO DEVOTION
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with