EDITORYAL - P650 minimum wage?
(Banat) - January 15, 2020 - 12:00am

Pagkanindot paminawon sa dunggan ug sa bulsa sa mga mamumuo kung matinuod kining giduso nga balaudnong kinahanglang P650 na ang national minimum wage sa tanang mga mamumuo, pribado man o publiko.

Dinhi sa Metro Cebu, ang minimum wage nga P386 samtang mas ubos ang ubang mga silingan niining mga lugar hasta sa ubang mga probinsya sa Central Visayas.

Kataposang dunay minimum wage increase niadto pang tuig 2018 ug karon 2020 na wala pa gyud usbawi ang suholan sa mga mamumuo.

Subo lang nga samtang walay usbaw sud na sa nangaging magduha naka tuig, padayon ang pagsaka sa presyo sa mga palaliton nga walay senyales kun moubos ug mabalik sa naandang presyo duha ka tuig na ang nilabay.

Ang partilistang Kabayan nga maoy niduso sa House Bill 668 nga nagtinguha niining bag-ong minimum wage increase tungod kay alang kanila kuwang ra kaayo ang inadlaw nga sweldong gidawat karon sa mga mamumuo mao nga daghan ang mopiling manarbaho sa abroad.

Ubos sa mga probisyon niini, walay restrictions sa mga dapit kun pila ang usbaw kondili parehason ang tanan og madawat nga minimum wage nga P650.

Sa pagkakaron, bisan ang mga propesyonal dinhi sa Metro Cebu nagdawat ra og minimum wage nga P386, nidako-dako lang ilang makobra pinaagi sa ubang mga insentibo ug mga komisyon gumikan sa ilang ‘extra effort’ para sa ilang mga gitrabahoan.

Samtang maayo kini para sa mga naa sa ubos nga mamumuo, dili kini maayo sa mga kompanya tungod kay motiyabaw man sab ang ilang mga sakop nga naghupot og mas tag-as nga posisyon ug kini maglakip sa pagpangayo sab og mas taas pa sa minimum wage nga P650 kada adlaw. Kining balaura makapabuhi og dugo sa mga yanong mamumuo, apan lisud ipatuman kay dili tanang kompanya maka-afford niini.

Kun makapasar sa kongreso ug pirmahan sa presidente mahimo na kining balaod ug makalapas kadtong di mosunod.

Kun mao na maayo pang manira nungka mapriso.

MINIMUM WAGE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with