Wa mabayri ang Housing loan sa Pag-Ibig

Dear Atty. Divine,

Mi-avail ko sa Pag-IBIG og housing loan five years ago. Ang akong loan payable for 25 years ug karong tuiga mao na unta ang akong ikaunom ka tuig. Apan lately napakyas ko sa pagbayad tungod sa kadaghan nako og financial obligations labi na sa akong tulo ka anak nga pulos naa sa college.

Tungod sa akong kapakyas sa monthly amortization sud sa pipila ka buwan gipadad an ko og mga notisya ug karong bag-o,  Notice of Foreclosure na ang akong nadawat. Ang akong pangutana kon maka-avail ba ko sa Maceda Law or refund sa portion sa ako nang nabayad sa Pag- IBIG? Daghang salamat.

Nora

* * *

Dear Nora,

Dili ka makadawat og refund sa portion sa imong nabayad na sa Pag-IBIG kay ang Maceda Law or Republic Act 6552 mo-apply lang kana kon ang buyer sa real property mipalit niini pinaagi sa installment. Kun human sa kapin duha ka tuig di na siya makabayad, entitled siya og refund nga 50% kon nakaabot og duha ka tuig ang iyang nabayran kon ma-cancel ilang kontrata.

Apan sa imo nga kaso nanghuwam ka sa Pag-IBIG og kwarta og gibayad kini in full sa imong house and lot og ang imong gibayran monthly bayad kini sa imong loan busa dili mo-apply niini ang Maceda Law.

Ug kay loan man ang imong gisudlan, ma-foreclose gyud ang imong house and lot nga maoy imong collateral sa Pag-IBIG tungod sa imong kapakyas pagbayad sa monthly amortization.

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] og akong tubagon ang inyong pangutana pinaagi sa akong column matag Miyerkules,Sabado og Domingo.