Hope sa New Year!

Happy New Year kanatong tanan! Bisan pa man sa daghang mga suliran nga nihasmag sa atong kinabuhi apan padayon gihapon kita sa pagpasalamat sa Ginoo tungod sa mga daghang grasya usab nga atong nadawat gikan kaniya.

Busa angyan lamang nga maglipay kita sa gihapon ning laing tuig sa atong Civil Calendar. Kun duna man gani nindot nga birtud nga angayan natong palipangon ning tuiga mao gyud ang birtud sa PAGLAUM kun HOPE. Atong himoon nga acroynm ang pulong nga Hope.

H-Matud pa nagpahinumdom kanato nga angayan kitang maglipay o being happy sa atong kinabuhi. Ang kalipay angayan lamang nga atong pilion. Dili kini mahatag sa uban kanato o dili kita makapugos ni ang ubang tawo atong pugson nga kita lipayon o dili ba kaha sila lipayon nato.

Ang kalipay ingon nga desisyon kinahanglang hukman o subayon sa hingtungdan mismo.

Ang tawong malipayon tawo nga nakakita sa sense of purpose sa iyang kinabuhi.

O- Optimism. Ang optimist nga tawo mao kadtong tawo nga positive minded kaayo sa iyang panlantaw sa kinabuhi.

Ang tawong negatibo walay gyud untay luna sa kalibutan sa kalambigitan.

Bisan pa man kun bug-at ang atong gidala dala nga mga problema angayan lamang gihapon kitang positibo nga human sa kangitngit sa atong mga kasinatian anaa sa gihapon ang kahayag.

P-Prayer o pag-ampo. Ang pag-ampo usa ka pakiglambigit nato sa Dios. Ang pag-ampo pakigkukabildo nato ngadto sa Dios.

Ang vigil mass nga among gihimo petsa 31 usa man ka dakong kahigayonan sa pag-ampo usab sa mga panginahanglan sa uban.

Ang pag-ampo mao man ang gasa nga atong ikahatag ngadto sa uban.mas bililhon pa gani kini kaysa atong mga gasa nga materyal.

E- Empowerment atong hatagan og gahum ang mga anaa sa ubos ug daplin sa atong katilingban. Kasagaran walay tingog ang kadaghanan kini tungod kay dunay pipila nga maoy nihakgom sa gahum nga gikahinaman apan ang pagdasig sa usag usa nga manginlabot dako naman kaayo og kahimoan aron mamahimong mas makadani kita kanila aron mamahimong mga mapuslanong katawhan ning atong katilingban.

Sa akong paglantaw sa umaabot nakita ko ang tipaka sa paglaum nga sa hinahinay napusgay aron mohatag og kinabuhi sa nagkaluya nga kalibutan.

Kun wa ang paglaum kapobre naman gyud nato sa? Hope nga happy ang inyong new year!