Kasagarang sakit sa kalalaken-an
SENIOR CITIZEN - Antolin dela Serna (Banat) - January 3, 2020 - 12:00am

Aniay talaan sa napulo ka sakit nga sagad motakboy kanatong kalalaken-an. 1. High blood pressure. 2. Cough. 3. Low back pain. 4. Difficult urination. 5. Headache. 6. Chest tightness or pain. 7. Lack or no sex life. 8. Poor sight. 9. Penile discharge or pain. 10. Frequent urination.

Atong makita nga medyo tinuod kining gitumbok dinhi nga 10 common complaints and illnesses of men gisuawat ni Kaye Estoista-Koo sa Manila Bulletin.

Giingon dinhi nga ampay kaayo kanatong kalalaken-an ang karne ug ang tambok niini, nga kun dili makontrolar mosangpot sa hypertension ug serious nga sakit sa kasingkasing.  Kining pag-ubo-ubo, kon magpadayon, mosangpot sa gitawag nga Chronic Obstructive Pulmonary Disease, nga kon dili masanta, makahatag og sakit sa baga.

Kining sakit sa ubos nga bahin sa bukobuko kon sa hawak dapit dili kakompiyansahan, kay tingalig moresulta sa lagmit pagka-damage sa muscle tissue due to wear and tear.

Kun lisud ang pagpangihi, nagpasabot kini sa presensiya sa gitawag nga Benign Prostatic Hyperplasia, nagpasabot nga nagkadaku ang prostate gland nga mobabag na sa urethra o agianan sa ihi. Ug kining pagpanakit sa dughan nagpasabot nga kuno ang imong lungs, esophagus, muscles , ribs, or nerves are shouting for help. Pakonsulta na’g doctor.

Ang ordinaryo nga labad sa ulo, dili chronic, usually na-related kini sa stress, weather, or fatigue ma-managed kuno with a good night’s sleep. Kining poor sight, nagpasabot nga nagka-porma na ang cataract sa imong mata, apan walay angay kabalak-an, treatable kini. Ug bahin sa frequent urination mahitabo kini kun manubra ang pag-inom og tubig. Indicator usab kini sa diabetes o high blood sugar.

Ug kining lack or no sex life ug ang penile discharge or pain, kun duna ka niini, pakigkita na lang sa imong doctor.

Tinubdan niining tanan, si Dr. Mark Alvin Tan, sa kaulohan.

* * *

Ania ang mga opisyales sa Mabini Senior Citizens Association: Crispina Cafe, president; Wenifreda Mendanos, vice president; Myrna Pepito, Secretary; Adelaida Estolinio, treasurer; Victorino Pepito, auditor; Ernesto Parinasan, PRO; Juanito Cutab, sgt-at-arms; Teodora Parinasan, muse; Eleodoro Collantes, prince.

Samtang ang napili nga opisyales sa Cambinocot Senior Citizens Association sila si Teofanis English, president; Rudy Angul, vice president; Francisca Maitem, secretary; Perly Villegas, treasurer; Hermesa Perez, auditor; Cesario Doncillo, Ernesto Aquil, PROs; Sulpicio Bihag, Willy Villanueva, sgts-at-arms; Enriquito Cosido, prince; Ma. Denissa Tahum, muse.

Si Rolando Basergo, ang presidente sa San Jose Senior Citizens Association maoy napiling delegado ngadto sa eleksyon unya pagka-OSCA Head ning dakbayan. Gipaabot nga ang ubang mga association sa mga senior citizens sa dakbayan magpili usab sa ilang delegado pinaagi sa general assembly sa mga sakop sa ilang pundok.

Ug angay hinumdoman nga usa ra ka delagado ang pilion sa matag barangay. Sa ato pa, 80 ra ka delegado ang mopili sa pagka-OSCA head. Dili sama sa nangaging katuigan  nga kapin sa 100  ang delegado, kini tungod kay tagurha o tagutlo nga kapunongan ang nag-exist sa pipila ka barangay, diin in most cases, ang mga presidente awtomatik nga nahimong delegado.

Ang opisyales sa mga barangay Kinasang-an, Sto. Niño, Sapang Daku, Binaliw, ug Lusaran, sa mosunod natong mga isyo.

 

KALALAKEN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with