Welcome 2020!
IYO ANTOY - Antolin dela Serna (Banat) - December 31, 2019 - 12:00am

Katapusang adlaw karon sa tuig 2019. Ug welcome Tuig 2020. Unsa man ang imong Tuig 2019, ug unsa man usab ang imong gipaabot sa Tuig 2020?

Alang kanimo, nagmabungahon ba ang tuig 2019, ug alang sa atong nasud, nihatag ba’g  tingusbawan ang tuig 2019?

Ang mga tubag niining tanan mag-agad sa kahimtang o status sa atong kinabuhi. Alang sa atong mga politiko nga karon naglingkod na sa nagkalainlaing posisyon sa kagamhanan, ang mga Tuig 2019 ug 2020 didn’t and wouldn’t make any difference.

Kanunayng nagbuhagay ug magbuhagay ang mga dagkung sweldo ug allowances, mga privileges and perhaps mga komisyon, kun duna man.

Ingonman, alang sa mga dagkung negosyante ang both tuig 2019 ug 2020 bulahan gayud. Kay kun magkinaunsa man ang patigayon, dili maunsa ang ilang ganansiya, nga kun unsa man ang problema nga motumaw, ila kining ipasa nganhi kanatong mga konsumidor.

Apan alang sa mga walay trabaho, ug alang sa mga empleyado, kanunayng ping-ot ang kinabuhi. Igo lang sa paghandom nga maluag-luagan bisag gamay lang  ang naghuot nilang dughan.

Ug alang sa mga gas stations, tuloy ang ligaya, sa walay pag-agad sa tuig, ma-2019 o ma-2020 man. Karong adlawa, pananglitan, laing pag-usbaw sa mga oil products ang ilang ipahamtang, agi’g sinugatan sa Bag-ong Tuig.

So, kun unsa karon ang kahimtang sa imong kinabuhi, anha mag-agad kun magmabungahon ba ang tuig 2020.

Ug unsa man unya ang mabag-o sa atong kinabuhi pahiuyon sa pagbag-o sa tuig? Aduna ba kitay himuon nga pagbag-o sa atong kinabuhi? Aduna ba kitay himuong pagbag-o sa atong kaugalingon, regardless kun duna ka bay bank deposit o wala?

Tingalig ang kalendaryo ray makabag-o sa tuig 2020, ug wala kitay himuon nga pagbag-o sa atong kaugalingon. Kun mao kini dimalas ang tuig 2020.

Kay ang pagbag-o unta sa atong kaugalingon makahatag og tukmang kahulogan sa Bag-ong Tuig. Otherwise, kun magpabilin kitang corrupt nga mga alagad sa gobyerno walay epekto ang atong pagsugat sa Bag-ong Tuig, sama da nga nag re-enact kita sa budget sa daan nga tuig. 

Matag New Year, kanunay natong mahisgutan dinhi ang bahin sa mga New Year’s resolution nga ipabuhat kanamo sa among magtutodlo kanhi. Kahinumdom ko nga mag-resolved kami nga among others, magbinuotan na; nga motuo na kami sa among mga ginikanan ug katigulangan; nga magtuon na kami sa leksyon ug likayan ang cheating; nga dili na magsige og absent; nga bag-uhon na namo ang salawayon namong mga taras ug kinaiya, ubp.

New Year’s resolution … wala na kini karon, obsolete na, passé na, kinaraan na.  Karong panahona, wala nay relasyon ang tuig sa atong kinabuhi. Sumaa, pila na ka Bag-ong Tuig ang milabay sa atong kinabuhi, nakahimo ba kinig kabag-ohan sa atong kinabuhi? Nakapusgay ba ang nanglabayng Bag-ong Tuig sa corruption? 

Hinuon, despite niining tanan, daku ang atong pasalamat sa Kahitas-an, nga gilugwayan na usab og laing tuig ang atong kinabuhi. Bonus na kini alang kanato.

Yes, Virginia, Bag-ong Tuig na pud. Apan, sa daghang bag-ong tuig nga atong nasinati, unsa man kaha ang mabag-o sa tuig 2020?

HAPPY NEW YEAR kanatong tanan.

WELCOME 2020
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with