Philippine Institute for Aging
SENIOR CITIZEN - Antolin dela Serna (Banat) - December 20, 2019 - 12:00am

Ato na kining nahisgutan dinhi sa una natong mga lindog. Apan ato kining hisgutan pag-usab tungod kay dunay nataligam-an ang atong mga magbabalaud nga mga concerns unta natong mga senior citizens.

Una sa tanan, atong hinumdoman ang balaudnon ni kanhi Senador Edgardo Angara, ang Senate Bill No. 2982 kon Philippine Institute for Aging. Nindot kaayong paminawon, apan, wa man ni tagda sa kauban niyang mga Senador, kay perhaps alang kanila, kinsa man tang mga senior citizens?

Tuyo sa balaudnon ni Angara: “To generate science and research-based solutions to guide policy-making on the social, legal, economic, and physiological issues surrounding aging.”  So, nindot kaayo ang tumong ni Angara, apan wa kini makadani sa mga pagtagd sa kauban niyang mga Senador, kay perhaps alang kanila, kaylagi, kinsa man ning mga senior citizen?  In terms of votes, unsa may ilang makuha gikan kanato?

Sa ato nang gibalikbalik dinhi, ilang tan-aw nato, mga individual persons lamang kita, dii usa ka potent ug hiniusang pundok sama sa atong counterpart  sa America, ang AARP kon American Association of Retired Persons. nga inig-tingog nila didto mapugos ang Kongreso pagsanong ug pagpaminaw sa malanog nilang tingog.

Kita dinhi, duna ba kitay hinugpong nga tingog? Kon motingog man ta, duna bay maminaw nato? Sa ato nang gibalikbalik dinhi, ang AARP giisip nga usa sa labing influential ug gamhanan nga lobbying group sa America.

Tiaw moy mopalanog sa hiniusa ug hinungpong nga tingog ang  kapin 40 milyones ka senior citizens ug mga retirees sa America ... di kaha mabungol ang ilang gobyerno didto? Apan, dili kini mahimo nato dinhi, bisan kun kapin 8 milyones unta kita ka senior citizens sa tibuok nasud ... kay lagi wa man ta mahugpong, wa man ta mahiusa. nag-iyahay man ta, nagkatibulaag, ug  nagkompetensiya  pa man gani ang uban.

On the other hand, nganong lisud ug imposible man gayud nga hiusahon kitang mga Pinoy? Angay hinumdoman nga ang mga pundok sa senior citizens dili mga political parties. Sa ato pa, dili unta sila maduhig sa politika.

Usa kita ka non-government ug non-partisan nga pundok. Unta kita dinhi sa atong dakbayan, ang atong mga pundok sa senior citizens walay patik sa pagka-BOPK o pagka-PDP Laban-Team Rama. Gumikan niini, naglisud kita paghiusa sa mga senior citizens. Politika, my friend.

Kun nahimo na untang balaud ang SB 2982, ang Philippine Institute for Aging, mao na unta kini ang muatubang ug mosagubang sa tanang kahingawa ug  kabalaka sa mga senior citizens, ma-social, legal, economic, ug physiological man nga mga concerns.  Ambut kun buhion ba kini sa Senado karon.  Apan akong tan-aw, ila na kining gikalimtan ug dugay nang gibasura, nga unta mao pa tingali kini ang makapahiusa sa tanang senior citizens sa tibuok nasud.

By the way, ania ang mga opisyales sa Paril Senior Citizens Association: Gregoria V. Vidal, president; Dioclisio L. Archival; vice president; Eleonor J. Archival, secretary; Zenas M. Avila, treasurer; Felicisima C. Sadaya, auditor; Alfredo, Tumayao, Venerando Cola, PROs; Rolando Sadaya, Francisco Carlos, sgts-at-arms. Nagpadayon karon ang pagdumala sa OSCA ug DSWS sa eleksyon sa pagka-delagado ngadto sa pagpili unya pagka-OSCA Head ning dakbayan.

AGING
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with