^

May hustisya kaha

AMBOT LANG - Gerry Auxilio (Banat) - December 19, 2019 - 12:00am

Karong adlawa ipakanaug ni Judge Jocelyn Solis-Reyes sa Quezon City Regional Trial Court Branch 221 ang iyang hukom sa napulo ka tuig na nga kaso sa Maguindanao massacre.

Ang nahisgotang masaker mikutlo og 58 ka mga tawo nga ang uban gilubong nga buhi. Sa 58 ka mga biktima, 32 ang mga sakop sa medya.

Ang Maguindanao masaker nahitabo niadtong Nobyembre 23, 2009 adlaw nga gidala sa asawa ni Esmael “Toto” Mangudadatu ang iyang Certificate of Candidacy sa iyang pagdagan batok sa gamhanan nga clan sa mga Ampatuan.

Kapin sa usa ka gatos ka akusado ang pakanaugan sa ilang hukom karong adlawa ug nag-una kanila mao si Andal Ampatuan Jr. nga suod nga higala sa presidente sa nasud niadtong panahon ni Presidente Gloria Macapagal Arroyo.

Magkaaway sa politika ang mga Ampatuan ug Mangudadatu sa Maguindanao ug sa maong panahon hari ang mga Ampatuan tungod sa ilang gahom nga gipalig-on sa Malakanyang gumikan sa ilang koneksiyon ni Arroyo.

Apan kun magkaaway man sa politika ang mga Ampatuan ug Mangudadatu sa Maguindanao nganong idamay man ang mga sakop sa medya nga igo lang naghimo sa ilang trabaho?

Ang naghimo sa krimen dili tawo kondili bangis nga hayop. Busa angayan kining patyon kay peligro sa palibot.

Kay bangis nga hayop, trataron usab sila nga hayop ug dili hatagan bisan katiting na lamang nga kaluoy.

Sa hukom nga ipakanaug karong adlawa batok sa mga akusado sa Maguindanao masaker, atong gipaabot ang hustisya sa 58 ka biktima ilabi na sa 32 ka sakop sa medya.

Hustisya nga dili lamang alang sa tagsatagsa ka pamilya sa mga biktima kondili hustisya usab alang sa industriya sa medya nga giyatakan ug wala respetohi.

HUSTISYA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with