Gustong mopalit og yuta pinaagi sa data-data

Dear Atty. Divine,

Gitanyagan ko og yuta sa akong iyaan, iyang ibaligya nako by installment. Interested ko sa property ug gusto nako nga mohatag niya og down payment. Titulado ang property. Ang akong pangutana  unsa nga dokumento ang among pirmahan inig bayad sa initial payment? Pwede ba nako dayon ma-process ang pag-transfer sa title inig bayad sa down payment? Daghang salamat. —Jessa

Dear Jessa,

Inigbayad  nimo sa down payment magpirmahanay mo og Deed of Conditional Sale diin inyong ilatid niini ang mga terms and conditions lakip na ang down payment,  ang monthly payment ug ang terms kun hangtud pila ka buwan o tuig kini nga impason ug uban pang kondisyon nga gusto ninyong ilakip. Samtang wa pa nimo ma fully paid ang property, dili pa kini nimo mamahimong ma-process ang transfer. Kun maimpas na nimo sa pagbayad magpirmahanay na sad mo og Deed of Absolute Sale ug mao na ni nga time nga mamahimo na nimong i-process ang pag-transfer sa property.ngadto sa imong name. Thanks and God bless. —Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana  pinaagi sa akong column matag Miyerkules, Sabado ug Domingo.