Pamaskong homiliya ni Fr. Love
JAV BANATI - Antolin dela Serna (Banat) - December 14, 2019 - 12:00am

Nagsugod na ang misa-nobena alang sa kapistahan ni Mama Mary sa Guadalupe Parish Church (GPC), Cebu City. Sa miaging Disyembre 2, ang pilgrim main celebrant, si Fr. Manuel ‘Maning’ Tan, ang kanhi Team Moderator dinhi.

Hait gihapong mopaambit sa iyang homiliya si Fr. Tan. Manguhit, mamikpik ug mamukaw sa mga parokyanong nakatulog. Mahigalaong mogiya hain ang hustong dalan nga angay subayon base sa unsay pagtulon-ang nalatid nga gipadayag diha sa ebangheliyo nga iyang gibasa.

Sama niadtong kapitan sa kasundalohan, kinsa mihangyo ni Hesus nga unta ayohon ang nasakit niyang suloguon, kinsa di na makalihok. Apan dihang miingon si Hesus nga iyang adtoon, ang opisyal mapaubsanong mitubag: “Dili ko takos nga mopasaka nimo sa akong balay. Ipamulong lamang ug mamaayo akong suloguon.”

Pagkahugot sa iyang pagtuo kang Hesus, nga matod pa ni Fr. Tan, maoy nakaayo sa suloguon. “Giving full trust to a faith healer can heal illness.” Dugang niya.

Pagka sunod adlaw, Disyembre 3, sa alas 5:30 sa buntag, si Fr. Aloysius ‘Love’ Alojipan, ang bag-ong Team Moderator sa GPC, maoy mimisa. Undanon sab mowali. Gani, iyang homiliya gitapos pinaagi sa mubong sugilanon:

Dinha kunoy bulingit bata nga nagsigeg tan-aw sa gidispling mga mahalong sapatos. Maila sa aksiyon sa bata ang pangandoy nga makasul-ob unta siyag ingon niini. Apan kay walay ikapalit, mao nga kutob ra intawon sa kaibog.

Dili halayo, adunay babaye nga ganina rang nagsud-ong sa bata. Giduol ang bata, gidala sulod sa tindahan ug giingnan nga palitan niyag sapatos. Sa nakapili na ang bata, gibayaran sa babaye ang tindera. Unya human niya mahugasi ang hugawng tiil sa bata, iyang gipasul-ob ang sapatos. Ug milakaw palayo ang babaye.

Daling giapas sa bata ang babaye, gipangutana: “Ma’am, asawa ka ba sa Ginoo?” Nakurat ang babaye nga misumbalik pagsukna: “Nganong nakaingon man ka, Dong.” “Kuan man god, Ma’am. Ang Ginoo maoy akong gipangayoan og sapatos. Ug ang mihatag, ikaw!”

Haskang hiloma sa simbahan. Mihunong ang taknaan human hiwaa ang kasingkasing sa nanimbahay sa kahait sa mensaheng gipalanog ni Fr. Love. Mismo ako, wa makapugong sa pagpanailos sa akong mga luha.

Dinhi gipakita man god, kinsay ang angay hatagag gugmag kaluoy niining Paskoha.

FR. TAN. MANGUHIT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with