EDITORYAL - Mas dakong hulga ang drugas
(Banat) - December 13, 2019 - 12:00am

Usa ka maayong lakang ang gihimo sa Police Regional Office-7 nga pagpahigayon og anti-illegal drugs ug anti-terrorism lectures sa nagkadaiyang mga tunghaan ilabi na sa mga high schools.

Ang mga nag-edad og 12 hangtud 18 anyos maoy sagad dali kaayong maagni sa mga tawong maayong manulsol. Sa barkada, kun dunay usa kanila nga drug addict nga masagol, nameligro gyud ang tanan.

Samtang tuod ang problema sa terorismo o insurhensiya dakong hagit sa mga otoridad tungod kay dali rang ma-brainwash ang kabataan tungod sa ilang ideyalismo apan ang illegal nga drugas maoy labing dakong hulga kay naa ra kini sa palibot. Usahay ang nakapait, mismo pa ang mga ginikanan o mga kabanay sa mga tinun-an ang nalambigit sa illegal nga drugas. Nakadungog na sila nga bawal ug gidili kini sa balaod, apan nganong gihimo man kini sa ilang mga kabanay?  Ang mga kabataan dunay ideya nga dakpunon kini apan wala silay ideya kun unsay implikasyon niini sa ilang kinabuhi kun sila mosuway.

Angay silang tudloan nga mas maayong dili nalang gyud mosuway bisan kausa lang o bunga sa kakuryoso. Angay ra gyud sab silang pahibaw-on sa dangatan kun sila masakpan.

Angay mahibaw-an ug masilsil sa hunahuna sa kabataan nga kausa ra silang molabay ning kalibotana busa mas maayong ilaha kining gamiton sa maayo nga silay makabenepisyo ug magpuyong malinawon nga abunda.

Ang lectures sa kapolisan diha sa mga tunghaan naghatag og kahibalo sa mga bata kun unsa ang mga kadaut sa panglawas ug sa ilang pagkatawo, apan kinahanglan sab unta nga dili lang kadtong mga wala pa makasuway paggamit niini ang ilang tutokan.

Dunay daghang mga kabataan ang nahisalaag sa dalan tungod sa pagpabaya sa ilang mga ginikanan, mao nga kinahanglan sab silang salbaron sa kapolisan.

Kining mga masalbar ug mahatagan og bag-ong kinabuhi maayong panag-ingnan sa kapolisan ug kun makita kini sa kabataan mas modako ilang pagsalig sa kapolisan.

DRUGAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with